दार्जीलिङमा पुनः आन्दोलन शुरु, सुरक्षाकर्मीसहित २ को मृत्यु

काठमाडौं :
दार्जीलिङमा फेरि आन्दोलन हुँदा एक जना सुरक्षाकर्मीसहित २ जनाको मृत्यु भएको छ । बन्द दार्जीलिङ खुलेको १६ औं दिनपछि पुनः हिंसा भड्किएको हो ।शुक्रबार बिहान तकभर क्षेत्रमा सुरक्षाकर्मी र गोजमुमोका अध्यक्ष विमल गुरुङ पक्षका आन्दोलनकारीबीच झडप हुँदा एक जना सुरक्षाकर्मीसहित २ जनाको मृत्यु भएको भारतीय सञ्चारमाध्यमहरुले जनाएका हुुन् । झडपमा परी घाइतेहुनेहरुको संख्या पनि धेरै रहेको जनाइएको छ ।
मृत्यु हुनेमा प्रहरी सहायक निरीक्षक अभिताभ मल्लिक रहेका छन् भने मृत्यु हुने अर्का व्यक्ति मोर्चाका कार्यकर्ता भएको बताइएको छ । मृतकको सनाखत हुन सकेको छैन । यसअघि बिहीबार मोर्चाका अध्यक्ष गुरुङले अक्टोबर ३० तारिखमा आफू जनता माँझ आउने भन्दै अडियो सूचना सार्वजनिक गरेका थिए । – एजेन्सी

Powered by Facebook Comments