रेल स्टेसनमा भएको भागदौडमा मृत्यु हुनेको सङ्ख्या २२ पुग्यो

मुम्बई । भारतको आर्थिक राजनीतिका रूपमा परिचित मुम्बई शहरमा भएको भागदौडमा परी मृत्यु हुनेको सङ्ख्या २२ पुगेको छ । शुक्रबार बिहान अकस्मात भागदौड हुँदा २२ जनाको ज्यान गएको समाचारमा जनाइएको छ । घाइते भएका दर्जनौँ व्यक्तिको उपचार जारी छ ।मुम्बई शहर नजिकैको स्थानीय रेल स्टेसनमा रेल कुरेर बसेका व्यक्तिहरूमा एक्कासि भागदौड शुरु भएको थियो ।

  मुम्बईको मूल बजार नजिकैको लोवर प्यारेल र एल्फिन स्टोन स्टेसनमा सो भागदौड मच्चिएको हो ।बिहान अकस्मात भारी वर्षा भएपछि सो रेल स्टेसनमा रहेका व्यक्ति ओत लाग्न आकासे पुलको सहारा लिन पुगेका र त्यसै समयमा पुल भाँचिन लागेको हल्ला चलेपछि उनीहरू भागाभाग गरेका थिए ।भारतीय रेल सेवाका अधिकारी अनिल सक्सेनाले सो घटनाबारे अनुसन्धान गरिने जानकारी दिएका छन् । अनुसन्धानका लागि केन्द्र सरकारले निर्देशन दिइसकेको छ । भारतीय राष्ट्रपति रामनाथ कोभिन्द र प्रधानमन्त्री नरेन्द्र मोदीले घटनाप्रति दुःख व्यक्त गर्नुभएको छ । रासस

Powered by Facebook Comments