दुर्घटनाबारे जानकारी लिन उड्डयन मन्त्रीसहितको उच्चस्तरीय बंगलादेशी टोली काठमाडाैंमा

काठमाडौं । सोमबार त्रिभुवन विमानस्थलमा दुर्घटनामा परेको यूस बंगला विमान बारे जानकारी लिन बंगलादेशका नागरिक उड्डयन तथा पर्यटन मन्त्री एकेएम शाहाजहान कमालसहितको एक उच्चस्तरीय टोली नेपाल अार्इपुगेकाे छ । 

आज आएको टोलीमा पर्यटनमन्त्री कमालको साथमा परराष्ट्र राज्यमन्त्री शाहरिर आलम तथा नागरिक उड्डयन प्राधिकरण, बंगलादेशका उच्च अधिकारी रहेका छन्। उनीहरु विमान बंगलाको नियमित उडानमा काठमाडौं ओर्लेको परराष्ट्र अधिकारीले बताए।

बंगलादेशकी प्रधानमन्त्री शेखहसिना वाजेदले पठाएको उक्त टोलीले विमानस्थलमा घटनाबारे अवलोकन गर्ने र त्यससम्बन्धी जानकारी लिने काम थालेका छन्। टोलीले यूएस बंगला विमान दुर्घटनामा घाइते भएकाहरुको उपचार तथा दिवंगत भएकाहरुका बारे औपचारिक जानकारी लिन मृतक र घाइतेका परिवार समेत रहेको बताइएको छ।

यस्तै विदेश राज्यमन्त्रीसहतिको उच्चस्तरीय टोलीले विमान दुर्घटनाका कारणबारे पनि यहाँका अधिकारीहरुसँग छलफल गर्ने छन। सोमबार दुर्घटनाग्रस्त भएको विमानमा ३३ नेपाली, ४ जना चालकदलका सदस्यसहित ३६ बंगलादेशी, एक चिनियाँ र एक माल्दिभ्सका नागरिक सवार थिए। जसमध्ये ४९ जनाको मृत्यु भएको थियो।

Comments

Top