ढुंगेल रिहा, अन्तराष्ट्रिय अदालत जाने सावित्रीको चेतावनी

dhungelriha

 काठमाडौं । हत्या अभियोगमा सर्वोच्च अदालतबाट सर्वस्वसहित जन्मकैद तोकिएका बालकृष्ण ढुंगेललाई सरकारले कैद मिनाहा गर्ने निर्णय गरेको छ । सर्वोच्च अदालतले ढुंगेलको बाँकी कैद मिनाहा सम्बन्धी सरकारी निर्णयको सक्कल फाइल माग गरे लगत्तै  मन्त्रिपरिषद्ले सोमबार राति ११ बजे कैद मिनाहाका लागि राष्ट्रपतिसमक्ष सिफारिस गरेको छ ।

 गणतन्त्र दिवसका अवसर पारेर सरकारले ढुंगेललाई मंगलबार रिहाइ गरेको हो । डिल्लीबजारमा जम्मा भएका नेपाल कम्युनिस्ट पार्टीका नेता तथा कार्यकर्ता र आफन्तले ढुंगेललाई स्वागत गरेका थिए । गृहमन्त्रालयको प्रस्तावमा सरकारले बाँकी कैद मिनाहका लागि राष्ट्रपति समक्ष सिफारिस गरेको थियो ।

 ढुंगेललाई रिहाइ गर्ने सरकारको निर्णयको चौतर्फी विरोध हुँदै आएको थियो । तर, सरकारले कुनै सुनुवाइ गरेन । जेलबाट निस्किएपछि ढुंगेलले सरकारको निर्णयप्रति खुसी वा दुखी केही पनि नभएको प्रतिक्रिया दिएका छन् ।

 अर्कोतिर मृतक उज्जनकुमार श्रेष्ठकी दिदी सावित्री श्रेष्ठले अदालतले अपराधी करार गरी जेल हालेका बालकृष्ण ढुंगेललाई आम माफी दिँदै जेलमुक्त गराएर सरकारले आफु र आफ्नो परिवारलाई असुरक्षाको घेरामा राखेको बताएकी छन् । उनले हत्यारालाई कानुनी कठघरामा ल्याउन अन्तर्राष्ट्रिय अदालत जाने पनि वताएकी छन् ।

Comments

Top