काँग्रेस प्रवक्ता शर्माले भने - सरकारको वायुपंखे नारा वयलगाडाको पारा जस्तै छ

bishwoprakash

 दाङ। नेपाली काँग्रेसका प्रवक्ता विश्वप्रकाश शर्माले वर्तमान सरकारको अवस्था वायुपंखि घोडाको नारा,वयलगाडाको पारा जस्तै भएको उल्लेख गरेका छन् ।  

 सरकारले ल्याएको बजेट यथार्थपरक भन्दा पनि बढी महत्वाकांक्षी भएको शर्माले बताए। प्रेस युनियन दाङले शनिवार तुलसीपुरमा आयोजना गरेको पत्रकार सम्मेलनमा बोल्दै प्रवक्ता शर्माले भने वर्तमान सरकारको अवस्था वायुपंखि घोडाको नारा, वयलगाडाको पारा जस्तै छ।

 युनियन दाङका कोषाध्यक्ष शरद रेग्मीको अध्यक्षतामा भएको कार्यक्रममा प्रवक्ता शर्माले वर्तमान सरकारले ल्याएको बजेटमा करको दर बढाइएको भन्दै दायरा नबढाएसम्म बजेटको लक्ष्य पुरा हुन कठिन हुने बताए। प्रवक्ता शर्माले अहिले वामपन्थीहरुको दुई तिहाइ वहुमतको सरकार गठन भएकोले सरकारका सकारात्मक कामको समर्थन गर्ने र सरकारको कमजोरी औल्याएर सहयोग गर्ने भद्र प्रतिपक्षिको भुमिका निर्वाह गर्ने रणनिति अपनाएको बताए।

 काँग्रेस लगातार नहार्ने र लगातार नजित्ने पार्टी भएको भन्दै पार्टीमा देखिएको गुटवन्दी र वामपन्थी एकताका कारण कांग्रेसले निर्वाचनमा पराजय भोगेको उल्लेख गर्दै अव पार्टीलाइ नविनतम बनाउन लागिएको दावी गर्दै यसै अभियान अन्तर्गत सवै नेताहरु देशदौडाहामा लागेको शर्माले बताए।

 वर्तमान सरकारले आर्थिक बृद्धीदरलाइ ८ अंकमा पुर्‍याउन सकेन भने त्यो सवैभन्दा दुर्भाग्य हुने नेता शर्माले वताए । उनले वर्तमान सरकार भारतीय प्रधानमन्त्री मोदीको नेपाल भ्रमणकावेला राष्ट्रियताको सवालमा चुकेको बताए।

 

Comments

Top