मेस्सीले किन नाम अनुसारको कुनै प्रभाव देखाउन सकेनन्

messin

 काठमाडौं। सर्बाधिक चर्चामा रहेका अर्जेन्टिनाका स्टार लियोनलमेस्सीले क्रोएसियासँगको खेलमा पनि उत्कृष्ट प्रदर्शन गर्न सकेकन । क्रोएसियाले अर्जेन्टिनालाई ३-० गोलले पराजित गर्दै दोस्रो चरणको स्थान पक्का गरेको छ।
क्रोएसियाले अर्जेन्टिनाको तुलनामा धेरै राम्रो खेलको प्रदर्शन गरेको थियो। सबै क्षेत्रमा क्रोएसिया अब्बल देखिएको थियो। अर्जेन्टिनाका स्टार मेस्सी, अग्वेरोलाई आक्रमण गर्नबाट रोक्नुका साथै आफुले राम्रा आक्रमणहरु गरेको थियो।

खेलको पहिलो हाफमा गोलरहित बराबरी खेलेका दुई टोलीमा क्रोएसियाको प्रदर्शन राम्रो देखिएको थियो। दोस्रो हाफमा अर्जेन्टिनाका गोलकिपरको गल्तीको फाईदा उठाउँदै आन्ट रेबिचले गोल गर्दै क्रोएसीयालाई १-०को अग्रता दिलाएका थिए।

त्यसैगरि खेलको ८०औं मिनेटमा क्रोएसियाका लुका मोडरिचले करिब डि एरिया बाहिर बाट दर्शनीय गोल गर्दै स्कोर २-० बनाएका थिए। त्यसैगरि ९१औं मिनेटमा ईभान राकिटिचले गोल गर्दै ३-०को जित दिलाएका थिए।

क्रोएसियाले खेलमा पुरै प्रभुत्व जमाएको थियो। पहिलो हाफको अन्तिम २१ मिनेट अर्जेन्टिनाका स्टार खेलाडी सर्जियो अग्वेरोले बल छुन पाएका थिएनन्। त्यसैगरि स्टार खेलाडी लियोनल मेस्सीले पनि आफ्नो नाम अनुसारको कुनै प्रभाव देखाउन सकेनन्।

 

Comments

Top