सिद्धार्थ ग्यास उद्योग संघाई समूहले हडप्न खोजेको पीडितको आरोप

ramchandra sanghai

  काठमाडौं। सिद्धार्थ ग्यास उद्योग प्रालिका सञ्चालक समितिका अध्यक्ष रामचन्द्र संघाईले कम्पनीलाई एकलौटी सञ्चालन गर्दै आएको पीडितहरुले आरोप लगाएका छन् । सिद्धार्थमा ५० प्रतिशत सेयर रहेका संघाइले अन्य समूहलाई भने हिसाबकिताव माग्दा समेत उल्टै धम्की दिने गरेको उनीहरुको आरोप छ । कम्पनीको २५ प्रतिशत सेयर रहेका रमेशकुमार अग्रवालले हरहिसाब देखाउन माग गर्दा उल्टै धम्की दिएको गुनासो गरेका हुन् ।

आफ्नो परिवारको २५ प्रतिशत, ५० प्रतिशत रामचन्द्र संघाईले र बाँकी २५ प्रतिशत सुभाषकुमार खेतानको नाममा भएको उद्योग २०६९ सालबाट संघाइ समूहले एकलौटी सञ्चालन गरेको र आफ्नो हिसाब माग्दा यत्तिकै हडप्न खोजी धम्काएको अग्रवालले आरोप लाएका छन् ।

पीडित अग्रवालले भने–‘मैले मेरो भागमा भएको हिसाबकिताब चाहियो भनेर अनुनय–बिनय गर्दा उल्टै कम्पनीको नाममा थप शेयर खरिद गर्न लगाए । संघाईले म खान्छु, तलाई ठीक पार्छु भनेर मलाई धम्काइरहेको छ । मेरो करोडौ पैसा डुबेको छ, उल्टै मलाई धम्काएको छ । यही कारणले म शारिरीक अपाङग भएको छु ।’

अग्रवालले यसको निम्ति न्याय माग्न सम्बन्धित निकाय पुग्दा कतैबाट पनि न्याय नपाएको दुःखेसोसमेत पोखेका छन् । उनले भने–‘आफ्नो शेयरको हिसाबकिताब खोजाई पाउँ भनेर वाण्ज्यि तथा आपूर्ति मन्त्रालय, आपूर्ति व्यवस्थापन तथा उपभोक्ता हित संरक्षण विभाग, राजश्व अनुसन्धान विभाग, अख्तियार दुरुपयोग अनुसन्धान आयोग, उपभोक्ता हित संरक्षण मञ्च, नेपाल उद्योग वाणिज्य महासंघ, कम्पनी रजिष्ट्रारको कार्यालय, एलपी ग्यास उद्योग एशोशिएसनलगायत अन्य निकायसमक्ष धाएँ तर कतैबाट न्याय पाईन् ।’

Comments

Top