सरकारसँग आठ बुँदे सहमति भएसंगै यातायात मजदुरको आन्दोलन फिर्ता

andolanfirta

 काठमाडौं । सरकारसँग आठ बुँदे सहमति भएसंगै यातायात मजदुर आन्दोलन रोक्न सहमत भएका छन् । आन्दोलनरत यातायात मजदुर र सरकारबीच प्रधानमन्त्री तथा मन्त्रिपरिषदको कार्यालयमा शुक्रबार भएको वार्तामा यातायात मजदुर आन्दोलन रोक्न सहमत भएका हुन् ।

   सहमतिसँगै यातायात मजदुरहरु आन्दोलन फिर्ता लिएर काममा फर्किने भएका छन् । मजदुहरु काममा फर्किने गरी सहमति भएको यातायात व्यवस्था विभागका महानिर्देशक लावण्य ढकालले जानकारी दिए ।

 नेपाल स्वतन्त्र सवारी चालक संघर्ष समितिले दिएको ज्ञापनपत्रलाई कार्यान्वयनमा लैजान गृह, भौतिक पूर्वाधार तथा यातायात र कानून, न्याय तथा संसदीय मामिलामा पठाउने सहमति भएको छ । ट्राफिक संकेत र सडकको नियमित मर्मत गरी भौतिक अवस्था दुरुस्त राख्ने र राष्ट्रिय राजमार्गमा निश्चित दुरीमा ठूला सवारीका लागि व्यवस्थित पार्किङको व्यवस्था गर्ने उल्लेख छ । सडक दुर्घटनाको निष्पक्ष छानबिनपछि मात्र कारबाही अगाडी बढाउने पनि सहमति भएको छ । यस्तै आन्दोलनका क्रममा पक्राउमा परेका यातायात मजदुरहरुलाई रिहा गर्ने सहमति भएको छ ।

Comments

Top