नेपाल प्रहरीले भित्र्यायो घटनास्थलमै पुगेर पोष्टमार्टम गर्न मिल्ने भ्यान

Mobile-Forensic-Van

काठमाडौं ।
नेपाल प्रहरीले अपराध अनुसन्धानलाई थप वैज्ञानिक बनाउनका लागि घटनास्थलमै पुगेर पोष्टमाटम गर्न मिल्ने अत्याधुनिक मोबाइल फोरेन्सिक इन्भेष्टिकेसन भ्यान भित्र्याएको छ । घटनास्थलको सुरक्षा र प्रमाण सङ्कलनलाई प्रभावकारी बनाउन १ करोड ४१ लाख रुपैयाँको लागतमा अत्याधुनिक मोबाइल फोरेन्सिक इन्भेष्टिकेशन भ्यान भित्र्याएको हो । उक्त भ्यान विभिन्न खालका हत्या अपराधमा घटनास्थानमै पुगेर घटनाको सूक्ष्म अनुसन्धान गर्न, घटनाको वैज्ञानिक प्रमाण जुटाउनका लागि प्रभाबकारी हुने बताइएको छ ।

forensic-van-final-mahasakha

भ्यान आज एक कार्यक्रममार्फत प्रहरी महानिरीक्षक सर्वेन्द्र खनालले महानगरिय अपराध महाशाखालाई उपलब्ध गराएका हुन् । प्रहरी प्रधान कार्यालयले भ्यान अपराध महाशाखा प्रमुख धिरजप्रताप सिंहलाई हस्तानान्त्रण गरेसँगै अबदेखि उपत्यकामा भएका हत्याका घटनाहरूको अनुसन्धानका लागि प्रयोग गरिने बताइएको छ । प्रहरीले पहिलोपटक भित्र्याएको सो भ्यानमा आपराधिक घटनाको वास्तविक प्रमाण संकलनका लागि १६ थरी उपकरण बक्स रहेको छ । प्रहरीका अनुसार भ्यान ९६ लाख रुपैयाँका अनुसन्धान सामाग्री खरिद गरिएको तथा भ्यानभित्र सामान निर्माण गर्न ४५ लाख लागेको छ । भ्यानमा १० प्रकारका फरेन्सिक किट सामग्रीहरु जडान गरिएका छन् ।

भ्यानमा भएको किटको प्रयोगबाट अनुसन्धान अधिकारीले रगतको नमुना छरछैन पत्ता लगाउनेदेखि विष्फोटक पदार्थ छ-छैन भन्ने समेत जानकारी पाउनेछन् । त्यस्तै, लागूऔषधको पहिचानका लागि पनि छुट्टै किटको व्यवस्था छ ।  हाल खरिद गरिएको बा १ ग ३४२६ नम्बरको भ्यानमा एयर कन्डिसन, फायर एस्टिङ्ग्विसर लगायतको सुविधा छन् ।

Comments

Top