मापसे र झैझगडाका कारण ११६ नेपाली युएईको कारागारमा

Dubai-696x416

   काठमाडौं । मादक पदार्थको सेवन मापसेका कारण सिर्जित समस्याबाट नेपाली संयुक्त अरब इमिरेट्स युएईमा जेलजीवन बिताउन बाध्य भएको एक अध्ययनले देखाएको छ । आबुधावीस्थित नेपाली दूतावासले गत डिसेम्बर महिनामा युएईको सातवटा इमिरेट्समा रहेका आठ जेलमा गरेको अध्ययनका क्रममा मादक पदार्थका कारण ५८ प्रतिशत नेपाली युएईका विभिन्न कारागारमा कैद भुक्तानका क्रममा रहेको पाइएको हो । मादक पदार्थको सेवन गरेर सवारी चलाउनु र झैझगडाका कारण ११६ नेपाली कारागारमा रहेको दूतावासले जनाएको छ । त्यस्तै लुटपाट, चोरी र धोखाधडीको आरोपमा २० नेपाली कारागारमा रहेका छन्। साउदी नागरिक तथा अन्य देशका आप्रवासी श्रमिकको हत्या अभियोगमा १२, कार्यस्थलमा अवरोध तथा विरोध गर्ने अभियोगमा १० र परस्त्रीगमनमा संलग्न भएको अभियोगमा आठ नेपाली काराबासमा सजाय भुक्तान गरिरहेका छन्। फर्जी चेक,काजगपत्र,हस्ताक्षरलगायत अन्य कागजपत्र किर्ते काममा संलग्न सात,लागुऔषधको प्रयोग र तस्करीमा संलग्न पाँच र अन्य कानूनले बर्जित गरेका गतिविधिमा संलग्न भएको अभियोगमा २२ नेपाली कैदमा रहेका दूतावासले जनाएको छ। बाइस नेपाली गलत व्यवहार,अवैध बसोवास,भौतिक सम्पत्ति तोडफोडलगायतमा संलग्न भएका थिए। दूतावासका अनुसार १८८ पुरुष र १२ महिला कारागारमा रहेका छन्। सारजाह सेन्ट्रल कारागारमा सात पुरुष र तीन महिला,दुवई सेन्ट्रल कारागारमा ६४ पुरुष र चार महिला,अलअथ्वा सेन्ट्रल कारागारमा ९४ पुरुष र चार महिला तथा अजमान सेन्ट्रल कारागारामा चार पुरुष कैद सजाय भुक्तानका क्रममा रहेको दूतावासले जनाएको छ। रसअल खैइमा सेन्ट्रल कारागारमा चार पुरुष, फुजेरा सेन्ट्रल जेलमा पुरुष र महिला गरी एक÷एक तथा अल अइन कारागारमा १४ पुरुष कैद भुक्तानका क्रममा रहेका छन् ।
रासस

Comments

Top