ट्रम्पका सञ्चार निर्देशक वर्खास्त

काठमाडौं : अमेरिकी राष्ट्रपति डोनाल्ड ट्रम्पका सञ्चार निर्देशक एन्टनी स्कारामुची बर्खास्त भएका छन् । पदमा नियुक्त  भएको  १० दिन नपुग्दै उनी बर्खात्तमा परेका हुन् । स्कारामुचीले हालै एक पत्रिकालाई दिएको अन्तरवार्ताका कारण उनी बर्खास्त भएको ह्वाइट हाउसका अधिकारीहरुले जनाएका छन् । राष्ट्रपति ट्रम्पले भने ‘ह्वाइट हाउसका लागि एक महत्वपूर्ण दिन’ भएको ट्विटरमा उल्लेख गरेका छन् । एक धनी वित्तीय लगानीकर्ता समेत रहेका स्कारामुचीले केही दिन अहिले पदबाट हटाइएका चिफ अफ स्टाफ राइन्स प्रिबसविरुद्ध अशिष्ट भाषा प्रयोग गरेका थिए । स्कारामुचीको नियुक्तिपछि उनलाई काम गर्न सहयोग होस् भनेर ह्वाइट हाउसका प्रेस सचिव सन स्पाइसरले राजीनामा दिएका थिए । त्यसपछि अशिष्ट भाषा प्रयोग गर्दै उनले ह्वाइट हाउसका प्रमुख कर्मचारी साइन्स प्रिबसमाथि खनिए । साइन्स प्रिबसलाई शुक्रबार हटाइयो थियो । अहिले फेरि स्कारामुची आफैं पदमुक्त भएका छन् । – एजेन्सी

Comments

Top