वीरसेवा स्कुलका विद्यार्थीहरूले अवलोकन गरे चन्द्रागिरी थ्री डी म्युजियम

काठमाडौ ।
वीरसेवा स्कुल शिक्षक तथा विद्यार्थीहरुले चन्द्रागिरी थ्री डी म्युजियमको अवलोकन भ्रमण गरेका छन् ।

 नागर्जुन ६ मा अवस्थित यस स्कुलका शिक्षक तथा विद्यार्थीहरूले चन्द्रागिरी नगरपालिकामा रहेको चन्द्रागिरी थ्री डी आर्ट म्युजियम र थानकोट पार्कको शुक्रबार शैक्षिक भ्रमण गरेका हुन् । 

विद्यालयकी शिक्षिका सहिना शाक्यको नेतृत्वमा गएको शिक्षक तथा विद्यार्थीहरूको समूहले बुधबार म्युजियममा  शैक्षिक भ्रमण गरेको हो ।

भ्रमण टोलीमा शिक्षकहरू चन्द्रा क्षेत्री,प्रकाश तामाङ,  नविन विके लगायत सहभागी थिए । उनीहरूका साथमा  विद्यार्थीहरू सहभागी थिए । 

अवलोकन पश्चात् क्षेत्रीले म्युजियम निकै कलात्मक, मनोरम र मनमोहक  रहेको  बताइन् । उनले यस म्युजियममा विद्यार्थीहरूले कलाका बारेमा निकै जानकारी पाउनुका साथै रमाइलो समेत गरेको बताइन् ।  

थ्री डी आर्ट म्युजियममा उनीहरूले बिशेष रुपमा मनोरन्जन एबम् ज्ञानका लागि  तयार पारिएका चित्रकलाका बारेमा जानकारी समेत लिएका थिए  ।