आगामी स्थानीय निर्वाचनमा २५० पालिका जित्छौं : प्रचण्ड
%2520(4)_okFfJDD1bb_pep7sd7gt3y9tcx6bf1la3xu8z4ectosd9a5sckyr1fltkn2utc5jlbokqmt_XHoFzogIyb_rom8uxqo7k1f9uldaogxw0mqqpkdw9b5r50ozahwmf6zlkgzjupiqhrqzcrg.jpeg)
मोरङ ।
नेकपा (माओवादी केन्द्र)का अध्यक्ष पुष्पकमल दाहाल प्रचण्डले आगामी स्थानीय तहको निर्वाचनमा कम्तीमा २५० पालिका जितेर माओवादी केन्द्रलाई पहिलो पार्टी बनाउने बताए । नेकपा माओवादी केन्द्रले मोरङको ग्रामथान गाउँपालिका ५ तेतेरियामा गरेको धन्यवाद ज्ञापन कार्यक्रम तथा खबरदारी सभालाई सम्बोधन गर्दै उनले यस्तो उद्घोष गरेका हुन् ।
२०७९ को स्थानीय तह निर्वाचनमा तेस्रो बनेको माओवादीलाई यस पटक ग्रामथानवासीले पहिलो बनाएर पालिका अध्यक्षमा जिताउनु रणनैतिक महत्वको विषय भएको उल्लेख गरे । उनले भने, ‘हामीले २०७९ को निर्वाचनमा १२२ पालिकामा प्रमुख तथा अध्यक्ष जितेका थियौं, अब ग्रामथान थपिएपछि यो संख्या १२३ पुगेको छ । आगामी स्थानीय तह निर्वाचनमा २५० भन्दा बढी पालिकामा जीत हात पारेर माओवादी पहिलो पार्टी बन्छ, यो हामीलाई उपनिर्वाचनले दिएको महत्वपूर्ण सन्देश हो ।’
गत मंसिर १६ गतेको स्थानीय तहको निर्वाचनबाट पूर्वले माओवादी केन्द्रलाई नयाँ उचाइँमा उठाउने सन्देश दिएको उल्लेख गर्दै उनले मोरङको ग्रामथान गाउँपालिका र उदयपुरका दुई वटा जिताउनुका साथै अन्य वडामा पनि मत संख्या बढाएर पूर्वले बिरोधीहरुलाई ठूलै जवाफ दिएको बताए ।
उनले भने, ‘बिरोधीहरुले अब माओवादी कमजोर भयो, एक्लै चुनाव लड्न सक्दैन भनेर अफवाह फैलाइरहेको बेला पूर्वले माओवादीलाई संख्या र लोकप्रिय मत दुबैमा पहिलो पार्टी बनाएको छ । यो एउटा पालिकाको मात्रै विजय होइन, यो देशैभरि विशेष सन्देश दिने रणनैतिक महत्वको जीत हो ।’
उनले ग्रामथानबासीले माओवादीलाई ठूलो गुण लगाएको उल्लेख गर्दै यहाँका जनताका लागि आफ्नो निवास खुला रहने र जनताको समस्या समाधानका लागि प्रतिबद्ध भएर लाग्ने बताए । देशमा माओवादी केन्द्रकै कारण आम उत्पीडित जनताले अधिकार पाएको उल्लेख गर्दै अध्यक्ष प्रचण्डले अब यसलाई कार्यान्वयन गर्दै देशबाट भ्रष्टाचारको जरा उखेलेर भ्रष्टाचारीलाई लखेट्नका लागि फेरि एक माओवादी केन्द्रलाई बहुमत दिन आग्रह गरे ।
उनले भने, ‘हामीले २०६४ मा जनताको मत पाएर पनि पार्टीलाई एकताबद्ध राख्न सकेनौं, जनताको विश्वास कायम राख्न नसकेकै हौं । त्यतिबेलाको जनमत र आजको जस्तो हाम्रो सुझबुझपूर्ण चेतना र शैली मिल्यो भने अब हामी नेपाललाई राजनीतिक परिवर्तनको पूर्ण अनुभूति गराउने छौं, हामी धेरै कुरा सम्झेर तपाइँहरुसमक्ष आएका छौं, तपाईहरुलाई पनि २०६४ साल सम्झिदिन अपिल गर्दछु ।’
आफ्नो नेतृत्वको सरकारले विभिन्न क्षेत्रमा सुधारको थालनी गरेको उल्लेख गर्दै अध्यक्ष प्रचण्डले विश्वविद्यालयमा योग्यताका आधारमा जिम्मेवारी दिने मेरिटोक्रेसीको थालनी, कर्मचारीतन्त्रमा हाम्रो होइन राम्रो मान्छेलाई जिम्मेवारी दिने र बेथिति गर्नेमाथि दण्डित गर्ने प्रक्रियाको सुरुवात, वर्षौदेखि रोकिएका शिक्षा ऐन, निजामति ऐन जस्ता कानुन निर्माणलाई अगाडि बढाउने लगायतका महत्वपूपूर्ण काम अघि बढाइएको बताए ।
सरकारबाट बाहिरिएपछि आफूहरुले थालेका राम्रा काम लिएर जनताको बीचमा जाने प्रक्रिया सुरु गरेको जानकारी दिंदै उहाँले जनताको तागतबाट नै समाजवाद निर्माणको अभियान अघि बढाउने प्रण गरेको बताए ।

बालमैत्री स्थानीय तह निर्माणको अभियानमा अपनत्व ग्रहण गरौं : उपप्रधानमन्त्री सिंह
_2BiwrFEAmw_cibfii65sy7n622de9wf9viznrr14fghfp7dxfm5xy7diw5jt7xbmjo3evyk_Iay9QvIq8T_rtipvlfqzevjbd4pkej6kzegkhyadzit4jfcfezdsigeu3iisf1tsa1klrlv.jpeg)
कालोबजारी रोक्न प्रधानमन्त्री ओलीको निर्देशन
%2520(7)_FcYl4rKavt_dvryqoeywkhxs4srvuryydqnrev8h5qveqjsnufgqolibmr8ffnynfbhhmzs_aVRvVtfrCf_07e6ichjlybdkcgeooz371amvfeyggbqx7dcji2oxzldy6lujxikozi4kzxp.jpg)
जनयुद्धको प्रेरणा सयौं वर्षसम्म रहने छ : अध्यक्ष प्रचण्ड
_1BXVav0bIy_g8vykzuqp8ls1rgmtba7ulwh6gxzyr0jazav14cpc2b6unzpohk8sba7u5jc_fKjPDYaVoK_ucvuxebv2xovfqgsk6cfwyd8g504ojl1x1jleqhzd9tn6vg921tpqrl2xs2j.jpg)
व्यवस्था बदलिए पनि जनताको अवस्था बदल्न सकेका छैनौँ : प्रचण्ड
_DAxGfnq2RY_ihnoljpl17v88gr3zkqv8bcv0g1gi49gh5mf72bitwek7hc1s0kxnqkrj6hg_quSs0d50tM_kt4k3lyo6wfqkesohgcjzpc2ra1oooy0dsovg1aniph2dt1gmv2jbggqzzb3.jpg)
मुलुक खाली हुने गरि मानिस विदेश गएका छैनन् : मुख्यमन्त्री कार्की
आज दुईवटा संसदीय समितिको बैठक बस्दै
_xto8WfW7ql_ca94wrnzzl1lw3swak1iy8ewwblb5wldhvokubfjsvl9sdoov4d9siokpckm_tmB0w7NRgu_danhhi95z5ykug3ew4weosvp92ca39p0sjtvcfk0wj49oq1uaeufdgvzdko9.jpg)
प्रतिनिधि सभाको बैठक बस्दै, के के छन् कार्यसूची

प्रतिक्रिया