मासु पसलमा छापा : दुई महिनाअघिको मासु फेला

 masu_20200504085432

 

डोल्पा । डोल्पाको एक मासु पसलमा जिल्ला प्रशासन कार्यालयले छापा हानेको छ। प्रमुख जिल्ला अधिकारी सुरेश सुनार आफैले मासु पसलमा छापा मारेर महिनौं दिन पहिलाको बोइलर कुखुराको मासु नष्ट गरेका छन्। ठुलीभेरी नगरपालिका-३ पर्ने जिल्ला सदरमुकाम दुनैको बजारमा मासु बेच्दै आएका पिन्टु गुप्ताको पसलमा प्रमुख जिल्ला अधिकारी र प्रहरी प्रमुखले अनुगमन गरि मासुको फ्रिज सिल गरेका हुन्।

चैत्रको पहिलो साता नेपालगञ्जबाट जहाजमा ल्याएको बोइलर कुखुराको मासु फ्रिजमा राखेर लुकाई छिपाइ बिक्रि गरेको भन्ने सूचनाका आधारमा प्रहरीको टोली लगेर मासु पसल शिल गरेको प्रमुख जिल्ला अधिकारी सुरेस सुनारले जानकारी दिए। प्रजिअ सुनारका अनुसार पिन्टु गुप्ता भागेको तर उनको मासु बिक्रि गर्ने अुनमतिपत्र खारेज गरि कनुनी कारवाही गरिने बताए।

उपभोक्ताको स्वास्थ्यमा खेलवाड गरेकोले हदैसम्मको कारवाही हुनुका साथै उनको किराना पसलबाट अरु खाद्य तथा पेय पदार्थहरु पनि म्याद गुज्रिएका भेटिएकोले बरामत गरि नष्ट गर्नुका साथै कारवाही गर्ने जानकारी दिए। दुनै बजारमा मासुको अभाव भएको बेलामा झण्डै दुई महिना पहिलाको बोइलर बेचेपछि पिन्टु गुप्ता प्रशासनको छड्के अनुगमनमा परेका हुन्। उनले बर्षौंदेखि म्याद गुज्रिएका खाद्य तथा पेय पदार्थ बिक्रि गर्ने गरेको र मासु पनि भेरीमा हालेको बिक्रि गर्ने गरेको उपभोक्ताको आरोप रहेको छ।

लकडाउनको बेलमा गलत नियतले स्वास्थ्यमा खेलावड गरेकोले कारवाही गरिने उनको मासु बिक्री गर्ने अनुमति पत्र खारेज गरिने पशु सेवा कार्यालयका प्रमुख चन्द्रलाल धरालाले जानकारी दिए। बारम्बार नियम विपरित नगर भनेर सुझाव दिए पनि नमानेकाले कारवाहीको भागी उद्योग वाणिज्य संघका अध्यक्ष लालिमान बुढाले बताए।

यसभन्दा पहिला अनुगमन गरेपनि प्रमुख जिल्ला अधिकारी आफै बजार गएर पसल सिल गरेको यो पहिलो घटना हो। प्रमुख जिल्ला अधिकारीले अनुगमन गरेर मासु पसल सिल गरेसँगै बजराका अन्य पसलेहरु समेत त्रसित भएका छन्। -अन्नपूर्णपाेस्ट्

 

 

 

Comments

Top