विश्वमा कोरोना तथ्यांकः चार करोड संक्रमित, ३ करोड कोरोनामुक्त

world-corona

काठमाडौं । विश्वमा कोरोना संक्रमणबाट निको हुनेको संख्या ३ करोड नाघेको छ । पछिल्ला दिनमा संक्रमितको सँगै संक्रमणबाट निको हुनेको संख्या बढ्दै गएको विश्वमा हालसम्म संक्रमितको संख्या चार करोड २ लाख ६४ हजार २ सय १८ पुगेको छ भने कोरोनाबाट मुक्त हुनेको संख्या ३ करोड १ लाख ८ हजार ३१ जना पुगेको छ ।

पछिल्लो तथ्यांकअनुसार पछिल्लो २४ घन्टामा ३ लाख २४ हजार ९ सय २६ नयाँ संक्रमित थपिएका छन् भने ३ हजार ९ सय ७१ जनाको मृत्यु भएको छ । यससँगै हालसम्म कोरोनाका कारण ज्यान गुमाउनेको संख्या ११ लाख १८ हजार १ सय ६७ पुगेको छ ।

अहिलेको अवस्थामा विश्वमा ९० लाख ३८ हजार २० जना सक्रिय संक्रमित रहेका छन् ती मध्ये ७१ हजार ९ सय ७२ जना गम्भीर प्रकृतिका संक्रमित रहेको जनाइएको छ ।

अहिलेसम्म विश्वमा सबैभन्दा धेरै संक्रमित र मृतक अमेरिकामा रहेका छन् । अमेरिकामा हालसम्म ८३ लाख ८७ हजार ७ सय ९८ संक्रमित पुगेका छन् भने कोरोनाबाट ज्यान गुमाउनेको संख्या २ लाख २४ हजार ७ सय ३० रहेको छ ।

त्यस्तै संक्रमितको सूचीमा भारत दोस्रो र ब्राजिल तेस्रो स्थानमा रहेको छ भने कोरोनाका कारण ज्यान गुमाउनेको सूचीमा ब्राजिल दोस्रो र भारत तेस्रो स्थानमा रहेको छ ।

 

Comments

Top