भक्तपुरमा क्योकुशिन कराते प्रतियोगिता सुरु

BKTPUR

भक्तपुर । भक्तपुरमा पाँचौं राष्ट्रिय पुरुष तथा महिला फुल कन्ट्याक्ट क्योकुशिन सेइसीन कराते सुरु भएको छ । नेपाल क्योकुशिन—सेइसिन कैकान कराते एसोसिएसन तथा आशापुरी डोजोद्वारा भक्तपुर सुर्यविनायक योयो ब्याङ्क्वेटमा एक कार्यक्रमको आयोजना गरी उद्घाटन गरियो ।

सुर्यविनायक नगरपालिका प्रमुख बासुदेव थापाको प्रमुख आतिथ्यता तथा जिल्ला खेलकुद बिकाश समितिका अध्यक्ष श्रीभक्त कसिकवाको बिशेष आतिथ्यतामामा सम्पन्न कार्यक्रममा उक्त प्रतियोगिता दुईदिनसम्म चल्ने जानकारी दिइएको थियो । उक्त कार्यक्रमको अध्यक्षता नेपाल क्योकुशिन–सेइसीन कैकान कराते एसोसिएसनका अध्यक्ष  अशोक कुमार श्रेष्ठले गरेका थिए ।

उक्त कार्यक्रममा सुर्यविनायक नगरपालिका वडा नं. ७ का वडाअध्यक्ष रबिन्द्र सापकोटा साथै नगरका जनप्रतिनिधिहरु, समाजसेबीहरु विभिन्न संघसंस्थाहरुको प्रतिनिधिहरु र खेलप्रेमीहरुको उपस्थिति  रहेको थियो । शुक्रबार र शनिबार दुई  दिन चल्ने उक्त प्रतियोगितामा विभिन्न तौल समुहमा सातै प्रदेशका १०० जना भन्दा बढी खेलाडीहरु सहभागी रहेका छन। कार्यक्रम संयोजक आशापुरी डोजोका सुर्य लामा रहेका छन्।

No description available.

No description available.

 

Comments

Top