एसीसी महिला टी–२०ः बहराइनलाई पराजित गर्दै नेपाल सेमिफाइनलमा

Cric_Nepa

काठमाडौं । मलेसियामा जारी एसीसी महिला टी—ट्वान्टी च्याम्पियनसिप अन्तर्गत तेस्रो खेलमा नेपालले जित हात पारेकोछ । यससँगै नेपाल सेमिफाइनल प्रवेश गरेको छ ।

वर्षाका कारण ७ ओभरमा घटाइएको खेलमा बहराइनले दिएको १५ रनको लक्ष्य नेपालले २ विकेट गुमाउँदै पूरा गरेको हो ।

बहराईले पहिले ब्याटिङ गर्दै ७ ओभरमा ६ विकेट गुमाउँदै १४ रन बनाएको थियो । नेपालका लागि कविता कुँवर र सबनम राईले २/२ विकेट लिए भने अस्मिना कर्माचार्यले १ विकेट लिएकी थिइन् । बहराइनका लागि इशारा सुहुनले ६ रन बनाइन् भने थरांगा जगानायाकेले २ रन बनाएकी थिइन् । त्यस्तै रसंगिका हेरर्थ र शशिकला प्रकाशले पनि २/२ रन बनाएका थिए ।

१५ रनको लक्ष्यसहित मैदानमा उत्रिएको नेपालले पहिलो विकेट इन्दु बर्मा शुन्य रन बनाउँदै आउट भएकी थिइन् । त्यस्तै कप्तान रुविना क्षेत्रीले पनि शुन्यरनमा नटआउट रहिन् भने सिता रानामगरले ४ रन बनाइन् त्यस्तै कविता जोशीले ३ रन बनाउँदा ८ रन अतिरिक्त रन पाएको थियो ।

नेपालले अब अन्तिम खेलमा मंगलबार हङकङसँग खेल्नेछ।

समूह चरणको खेलपछि शीर्ष दुई टोलीले सेमिफाइनलमा स्थान बनाउने छन् ।

च्याम्पियनसिपको फाइनल पुग्ने दुई टोलीले महिला टी—ट्वान्टी एसिया कप क्रिकेटमा छनोट हुनेछ ।

Comments

Top