‘छमकछमक’का रचनाकार, संगीतकार तथा गायक सन्तोष सुनार थ्रि डि आर्ट म्युजियम भ्रमण गर्दै

Santosh Sunar
काठमाडौ ।
'छमकछमक तेरी पाउजु पाउजुले बोलाया, लाइदे पिरती त्यसैले म आया ‘ , हेरेको हेरै, चुनरी चुनरी जस्ता गितका गायक तथा तिमी हिड्ने पीच गर्दिन्छु रोड, गाजल टिका लाउन माया साह्रौ सुहाँउछ जस्ता सर्बप्रिय गिताका रचनाकार सन्तोष सुनार नेपालको पहिलो र ठुलो थ्रि डि आर्ट म्युजियम वान डे थ्रि डि आर्ट वल्र्ड भ्रमण गर्ने भएका छन् । युबापुस्ता माझ चर्चित गायक, संगीतकार एबम् रचनाकार सुनार आगामि १३ गते शुक्रबार थ्रि डि आर्ट म्युजियम भ्रमण गर्ने कार्यक्रम रहेको थ्रि डि आर्ट म्युजियका संचालक सदस्य नरेश बुढाथोकीले बताए ।

गायक,संगीतकार एबम् रचनाकार सुनारले वान डे थ्रि डि आर्ट म्युजियमले कला र कलाकारको सम्मानका लागि नियमितरुपमा संचालन गर्दै आएको कार्यक्रम कला विथ कलाकार (KALA WITH KALAKAR )मा सहभागिता जनाउने संचालक सदस्य बुढाथोकीले बताए । बुढाथोकीका अनुसार सुनारले आउदो शुक्रबार म्युजियममा सर्बसाधारणसँग अन्र्तक्रिया गर्दै म्युजियम भ्रमण गर्नेछन् ।

गायक सुनारको छमकछमक तेरी पाउजु पाउजुले बोलाया, लाइदे पिरती त्यसैले म आया २ करोड बढीले युट्युबमा हेरिसकेका छन् भने यो गित टिकटकमा निकै भाइरल समेत भएको थियो । उनले शब्द–संगीत गरेका केही गीतले करोड भ्युज पार गरिसकेका छन् । उनले शब्द संगीत भरेको गीत ‘पिच गरिदिन्छु रोड ३ करोड ६४ लाख बढी पटक हेरिएको छ । त्यस्तै घरबारमा, गाजल टिकीमा, हल्का त लजाउन, जुनीजुनी जस्ता गीतमा शब्द, संगीत भरिसकेका छन् । त्यस्तै सोराई, धोखा भो, तारा, चुँडी छमाछम, तिम्रो फिगर, भगवान, मेरी मायालु आदि गीतमा काम गरिसकेका छन् । उनको अहिले पश्चिमेली शब्दमा ‘चुनरी चुनरी’ गीत बजारमा आएको छ ।

 

 

Comments

Top