देब्रे र दाहिने छुट्याउन नसक्ने नर्भिकका डाक्टर निलम्बित

काठमाडौं । नेपाल मेडिकल काउन्सिलले देब्रेको सट्टा दाहिने घुँडाको शल्यक्रिया गर्ने नर्भिक इन्टरनेशनल हस्पिटलका दुइजना चिकित्सकलाई निलम्बन गरेको छ ।

नर्भिक अस्पताल थापाथलिमा कार्यरत डा. प्रवीण नेपाल र डा. शैलेज रञ्जितकारलाई एक महिनाको लागि चिकित्सकीय अभ्यास नगर्ने गरी निलम्बन गरिएको काउन्सिल स्रोतको दावी छ । देब्र घुँडाको समस्या लिएर क्रियाका लागि आएकी बिन्दु पौडेलको नर्भिकका चिकित्सकद्वयले दाहिने घुँडाको शल्यक्रिया गरेका थिए ।

चिप्लिएर खुट्टाको लिगामेन्ट च्यातिएका कारण अस्पताल भर्ना भएकी पौडललाई एमआरआई परीक्षणबाट देब्रे घुँडाको शल्यक्रिया गर्नु पर्ने देखिएकोले उपचारको लागि चितवनबाट नर्भिकमा ल्याइएको थियो । नर्भिकमा शल्यक्रियाको लागि बिरामीसँग लिने पूर्वसहमतिमा समेत देब्रे घुँडाको शल्यक्रिया गर्ने उल्लेख थियो ।

नर्भिकले यो प्रकरणमा बिरामी पक्षसँग भुलवस गल्ती भएको स्वीकार गर्दै सम्पूर्ण उपचार खर्च बेहोर्ने र भविष्यमा कुनै जटिलता देखिए त्यसको समेत उपचार गर्ने सहमति गरेको थियो ।

तर, डाक्टरद्धय नेपाल र रञ्जितकारले भने आफ््नो गल्ती ढाकछोप गर्न काउन्सिललाई नै गुमराहमा पारेको समाचार हामीले यस नै प्रकाशित गरिसकेका थियौं ।

Comments

Top