स्थानीयको साथमा तस्करहरुद्धारा प्रहरीमाथि आक्रमण, ४ प्रहरी घाइते

police

   वीरगञ्ज । स्थानीयबासीहरुलाई साथमा लिएर तस्करहरुले प्रहरीमाथि आक्रमण गर्दा पर्सामा दुई प्रहरी सहायक निरीक्षकसहित ४ प्रहरी घाइते भएका छन् । नेपाल भारत सीमानाकामा पर्ने पर्साको जगन्नाथपुर गाउँपालिकास्थित पाण्डेपुरबाट भारततर्फ डिजेल तस्करी भइरहेको भन्ने सूचनाका आधारमा तस्करहरुलाई नियन्त्रणमा लिने क्रममा सोमबारराती प्रहरीमाथि आक्रामण भएको हो ।

जिल्ला प्रहरी कार्यालय पर्साका अनुसार तस्करहरुलाई गाउँले समेतले साथ दिएका थिए । करीब दुई सय जनाको संख्यका स्थानीयले जगन्नाथपुरमा रहेको प्रहरी चौकी घेराउ गर्दै प्रहरीमाथि आक्रमणमा उत्रिदा चार प्रहरी घाइते भएका हुन् । दुईवटा मोटरसाइकलमा पेट्रोल र डिजेल लोड गरी भारतको इनर्वा बजार लग्ने समूहलाई नियन्त्रणमा लिन खोज्दा झडप भएको हो ।

आक्रामणबाट प्रहरी सहायक निरीक्षकद्धय विष्णु देव यादव, जयकिशन महतो, प्रहरी हवल्दार प्रेम राना र जवान अर्जुन चौधरी घाइते भएका छन् । तीमध्ये प्रहरी जवान चौधरीको भने टाउकोमा गम्भिर चोट लागेको छ । उनको अवस्था चिन्ताजनक रहेको पनि प्रहरीले जनाएको छ । उनको वीरगन्जको एसएल न्यूरो एण्ड जनरल अस्पतालको सघनकक्षमा उपचार भइरहेको छ । अन्य तीन जना घाइतेहरुको भने वीरगन्जको नारायणी उपक्षेत्रीय अस्पतालमा उपचार भइरहेको छ ।

Comments

Top