माल्टामा पनि एनआरएनएको शाखा, ८० मुलुकमा एनआरएनएको उपस्थिति

malta

   काठमाडौं । गैरआवासीय नेपाली संघ (एनआरएनए) ले आफ्नो ८० औं शाखा विस्तार गरेको छ। युरोपेली मुलुक माल्टामा संघको ८० औं शाखा खुलेको हो । योसँगै एनआरएनएको युरोप क्षेत्रमा मात्रै २८ वटा राष्ट्रिय समन्वय परिषदहरु गठन भएका छन् भने एनआरएनएको ८० देशमा संगठित उपस्थिति भएको छ ।

मंगलबार माल्टाका गैरआवासीय नेपालीहरुको एक भेलाले तेजबहादुर लिम्वुको अध्यक्षतामा २५ सदस्यीय तदर्थ समिति गठन गरेको हो । एनआरएनए युरोप क्षेत्रका संयोजक शिव कुमार बरुवालले युरोपमा नयाँ राष्ट्रिय समन्वय परिषद् थपिएको जानकारी दिए ।

लिम्वुको अध्यक्षतामा गठित तदर्थ समितिको उपाध्यक्षमा रेमलाल खनाल, कृष्ण थापा चयन भएका छन् भने महासचिवको जिम्मेवारी सन्देश केसीले पाएका छन् । सचिव, सहसचिव, कोषाध्यक्ष र सहकोषाध्यक्षमा क्रमशः शंकर पोखरेल, सन्दिन पोखरेल र सरिता राई छानिएका छन्। महिला संयोजकमा सुष्मा राई चुनिएकी छन् भने युवा संयोजकमा रोशन गिरी चुनिएका छन् ।

१७ जना सदस्यमा सुशील अधिकारी, वासुदेव अधिकारी, राजीव दाहाल, शंकर खत्री, कुशकुमारी गुरुङ, कुलचन्द्र गौतम र महेश्वर श्रेष्ठ, शंकर गुरुङ, मनीता सेढाइँ, निरज ढकाल, प्रदीप काफ्ले, शिवशंकर राय, अर्विन पौडेल, दीपक खनाल, वीरेन्द्र घिमिरे र मनिष अर्याल पनि तदर्थ समितिको सदस्यमा मनोनित भएका छन् ।

Comments

Top