अवैध नेटवर्किङमा संलग्न १२ जनालाई छुटाउन नेपाल आएका ८ जना भारतीय पनि महाशाखाको फन्दामा

indian

   काठमाडौं । केही समय अघि राजधानीको पाँच तारे होटल याक एण्ड यतीबाट अवैध नेटवर्किङको धन्दा गर्ने १२ भारतीयलाई महनगरीय प्रहरी परिसर काठमाडौंले पक्राउ गर्यो ।

महानगरीय प्रहरी परिसर, अपराध महाशाखा, केन्द्रीय अनुन्धान व्यूरो, महानगरीय प्रहरी वृत्त दरबारमार्गको संयुक्त टोलीले सूचनाको आधारमा छापा मार्दा अवैध नेटवर्किङ व्यवसाय संलग्न उनीहरु पक्राउ परेका थिए ।

त्यतिबेला उनीहरुले होटलको रुम लिएर लिएर शुक्रवार ३ सयभन्दा बढी नेपालीलाई प्रशिक्षण दिइरहेका थिए । उनीहरुले प्रशिक्षणको लागि भनेर भारतबाटै २ सयजना भन्दा बढिलाई नेपाल ल्याएका थिए ।

महानगरीय अपराध महाशाखाले फेरि ८ जना भारतीय नागरिकलाई पक्राउ गरेको छ । गैर कानुनी रुपमा नेटवर्किङ ब्यवसाय सञ्चालन गरी ठूलो रकम ठगी गरिरहेको भन्ने विशेष सूचनाको आधारमा महाशाखाको टोलीले हिजो ८ जनालाई पक्राउ गरेको हो ।

केही दिन अघि पक्राउ परेका १२ जनालाई छुटाउन नेपाल आएका उनीहरु पनि प्रहरीको फन्दामा परेका हुन् । अवैध नेटवर्किङ धन्दा सञ्चालन गरी नेपालीहरुहरुबाट लाखौं उठाएका १२ जनालाई छुटाउनका आएका ८ जना पक्राउ परेसँगै अवैध नेटवर्किङको जालो नेपालमा फैसिसकेको प्रहरीको बुझाई छ ।

महाशाखाको टोलीले काठमाडौंको बबरमहलबाट ६ जना र ठमेलस्थित होटल बैशालीबाट थप २ जना गरी जम्मा ८ जनालाई पकाउ गरेको हो । प्रहरीले बबरमहलबाट पक्राउ परेका ६ जनाबाट नेपाली रुपैयाँ ८ लाख ५० हजार र ठमेलबाट पक्राउ परेका दुई जनाबाट नेपाली रुपैयाँ ३३ लाख ५० हजार रकम बरामद गरेको पनि महाशाखा प्रमुख एसएसपी सहकुलबहादुर थापाले बताए ।

उनीहरुले SHINE GROUP ( Real Estate/Appliances/E-Commerce/Tourism) को नामबाट संगठित रुपमा गैरकानुनी नेटवर्किङ ब्यवसायको प्रचार प्रसार गरी, रकम समेत उठाई, नेपालीहरुलाई भेला जम्मा गरी हाम्रो कम्पनिमा २५००, ५००० र १०,००० डलर जम्मा गरेमा सो बराबरको रकम कम्पनीबाट थप गरी प्रत्येक महिना सो को ६ प्रतिशत रकम थप गरी दिन्छु भनि ठगी गर्दै आएका थिए ।

प्रहरीका अनुसार उनीहरुले विभिन्न आर्थिक प्रलोभनमा पारी कम्पनीको सदस्य समेत बनाई दिन्छु भनि गैरकानुनी नेटवर्किङको झुट्ठा प्रचार प्रसार पनि गरिरहेका थिए ।

पक्राउ पर्नेहरुमा भारत उतरप्रदेशका महोमद जिया, नितिन श्रीबास्तव, महोमद सेयाफ, तेज नारायण शुक्ला, कानपुरका रबि तिवारी, भारत प्रयागराजका अटल त्रिपाठी, राजेश कुमार शुक्ला र भारत कुशिनगरका नुरुलएन वारसी रहेका छन् ।

Comments

Top