१८ घण्टाभित्र १५ वटा एनसेल टावरमा आक्रमण

ncell tower

  काठमाडौं । दुई दिनमा १५ स्थानका एनसेलका टावरमा आक्रमण भएका छन् । हिजो (बुधबार) तीन बजेदेखि आज (विहिबार) विहान ९ बजेसम्म देशका विभिन्न भागमा रहेका १५ स्थानका एनसेलका टावरमा आक्रमण भएको प्रहरी प्रधान कार्यालयले जनाएको छ ।

प्रहरी प्रधान कार्यालयका अनुसार हिजो ८ः३० बजे अर्घाखाँचीको पाणेनी गाउपालिका–५ स्थित उपल्लो अमजामा रहेको एनसेल टावरमा आक्रमण भएको थियो । त्यसलगत्तै हिजो ११ः३० बजे कपीलबस्तुको बुद्धभुमी नगरपालिका–८ स्थित मन नगरामा रहेको एनसेल टावरमाथि आक्रमण भएको थियो ।

त्यसैगरी आज विहान १ बज्न नपाउँदै झापाको अर्जुनधारा नगरपालिका–१० कालिकास्थानस्थित एनसेल टावरमा आक्रमण भएको थियो भने ५ः३० बजे धादिङको धुनीबेशी नगरपालिका ४ देविस्थानमा रहेको टावरमा आक्रमण भएको थियो ।

त्यस्तै हिजो ११ः१४ बजे धादिङको सिद्धलेक गाउपालिका–६, १२ः३० बजे रुपन्देहीको गैडहवा गाउँपालिका–२ स्थित सानो धुपही र सोही समयमा कैलालीको धनगढी उपमहानगरपालिका–६, ११ः१५ बजे नवलपरासी पूर्वको कावासोती नगरपालिका–८ स्थित मगरकोट, २३ः४५ बजे डडेलधुराको आलिताल गाउँपालिका–२ स्थिति काफली, १२ बजे पर्वतको मोदी गाउँपालिका–६ स्थित तिलाहरथानकोट र सोही समयमा बाग्लुङको निसीखोला गाउँपालिका–७ स्थित राजकुट तथा १०ः३० बजे म्याग्दीको बेनी नगरपालिका–२ स्थित ज्यामरुककोटमा रहेको एनसेल टावरमा आक्रमण भएको थियो ।

त्यसैगरी आज राती १ः३० बजे बाँकेको नेपालगञ्ज उपमहानगरपालिका–४ स्थित निहामुदपुर, १ः३५ बजे सिन्धुपाल्चोकको मेलम्ची नगरपालिका–१ भोटेचौर र २ः०५ बजे कैलालीको गोदावरी नगरपालिका–९ स्थित बल्मीमा रहेको एनसेल टावरमा अज्ञात समूले आगो लगाई आक्रमण गरेको थियो ।
प्रहरीले प्रतिवन्धित विप्लव समूहले अक्रमण गरेको हुनसक्ने जनाएपनि त्यसको पुष्टि भने हुन सेकेको छैन ।

Comments

Top