पर्साका राजनकुमार श्रीवास्तवलाई युवा प्रतिभा पुरस्कार

rajanshribastab

 काठमाडौं। पर्सा जिल्ला वीरगन्ज निवासी राजनकुमार श्रीवास्तवलाई यो बर्षको युवा प्रतिभा पुरस्कार प्रदान गरिएको छ। अन्तर्राष्ट्रिय युवा दिवसका अवसरमा नेपाल सरकार युवा तथा खेलकुद मन्त्रालयले आकस्मिक रक्तदान, किशोरीहरुकालागी आत्मरक्षा तालिम, बिपदमा पस्छात पिडित परिवारलाई तत्काल राहत प्रदान, बालबालिकाहरुलाइ शिक्षा सामाग्रीको ब्यवस्थापन, सरसफाइ कार्यक्रम, ट्राफिक जनचेतना कार्यक्रम लगायतका सामाजिक कार्यमा ठुलो भूमिका निभाएको भन्दै श्रीवास्तवलाई नगदसहित सम्मान गरिएको हो। 

युवा तथा खेलकुद मन्त्रालयद्वारा सोमबार आयोजित ‘राष्ट्रिय युवा प्रतिभा सम्मान तथा युवा उद्यमशीलता सम्मेलन’मा उपप्रधान तथा रक्षामन्त्री ईश्वर पोखरेल र युवा तथा खेलकुदमन्त्री जगतबहादुर विश्वकर्माले अदभूत डान्सर रघुवंशी लगायत विभिन्न क्षेत्रमा योगदान पुर्याएबापत १० जना युवालाई सम्मान गरेका हुन्।

 सम्मानित हुनेमा विज्ञान प्रविधितर्फ तेह्रथुमका गणेशविक्रम सिंह आले र जुम्लाका यज्ञप्रसाद देवकोटा रहेका छन्। दुवै जनालाई जनही ५० हजार नगद राशीसहित सम्मान गरिएको हो।नेपालमा नै बम डिस्पोजल गर्ने रोबर्ट निर्माण गरेको र विभिन्न किसिमका ड्रोन निर्माण तथा अनुसन्धान गरेको भन्दै उनीहरुलाई सो सम्मान गरिएको हो।

 आले र देवकोटाले बनाएको डिस्पोजल गर्ने रोबर्ट नेपाली सेना र सशस्त्र प्रहरी बल नेपालले प्रयोग गर्दै आएको छ।

 यसैगरी विज्ञान प्रविधिको क्षेत्रमा उल्लेखनीय योगदान पुर्याएबापत दाङका मार्शल रोका र कैलालीका सुमन पौडेललाई पनि जनही एक लाख नगद राशीसहित सम्मानपत्रद्वारा सम्मान गरिएको छ।
रोकालाई सल्लाको खोटोबाट इन्धन उत्पादन, स्वचालित पानी तान्ने मेशिन निर्माण र कुखुराको मलबाट उत्पन्न गन्ध कम गर्ने रसायन उत्पादन तथा पौडेलले चालक निदाउँदा आफैँ ब्रेक लाग्ने यन्त्र निर्माण र कैलालीमा निजी पहलमा विज्ञान संग्रहालय स्थापना गरेको भन्दै उनीहरुलाई सो सम्मानबाट सम्मानित गरिएको हो।

 यस्तै न्यून दृष्टियुक्त व्यक्तिलाई प्रतिघण्टा १० मिनेटका दरले लोकसेवा आयोगको परीक्षामा समय थप गर्न पहल गरेकाले नेत्रहीन युवा संघ नेपाललाई शिक्षातर्फको १ लाख राशीसहित सम्मानपत्रद्वारा सम्मान गरिएको छ।

 यसैगरी इप्सा नेपाल, काठमाडौँलाई रोजगारी उद्यमशीलता सम्मान प्रदान गरिएको छ। एक लाख नगदसहित अपांगता भएका व्यक्ति एवं एकल महिलालाई सीपमूलक तालिम प्रदान गरी रोजगार र स्वरोजगार प्रदान गरेको भन्दै सो सम्मान गरिएको हो।

 यसैगरी, अल्लोको सामग्री उत्पादन र ६ भन्दा बढी मुलुकमा निर्यात गरेको भन्दै उद्यमशीलता सम्मानबाट ललितपुरकी माला थापा मगर सम्मानित भएकी छन्। टिस्यु कल्चर प्रविधिबाट केराका बिरुवा उत्पादन गरेको भन्दै बर्दियाका टोपलाल विकलाई कृषि सम्मान, नृत्य प्रदर्शन गरि युवाहरुलाइ समेत जागरुक बनाइ निशुल्क नृत्य कक्षा संचालन गरेकोमा स्वजन रघुबन्सिलाइ समान गरिएको हो ।
२ हजारभन्दा बढी युवालाई निःशुल्क तथा सःशुल्क ब्युटिसियन तालिम प्रदान गरी स्वरोजगार बनाएकी नवलपुरकी एकल महिला उद्यमी सृजना सोतीपनि सम्मानित भएकी छन्

Comments

Top