खेलाडीको पिडा कसैले बुझेनन् : महर्जन

mukunda 1

  करातेका खेलाडी उत्कृष्ठ खेलाडी मुकुन्द महर्जन चर्चाको शिखरमा छन् । १३औँ साग गेमको बन्द प्रशिक्षणमा रहेका महर्जनले स्वर्ण पदकको अपेक्षा गरेका छन् । नेपाली सेनाको आर्मी अफिसर्स क्लवबाट खेल्दै आएका महर्जन पाँचौँ पटक उत्कृष्ट खेलाडी घोषित भइसकेका छन् । यो उपाधि उनले राष्ट्रिय र अन्तर्राष्ट्रिय कराते खेलमा महजर्नले कमाएको मेडलका कारण पाएका हुन् ।

१२ वर्षको उमेरमा २०५२ सालदेखि सितोरियो कराते ललितपुर जिल्लाको प्रमुख डोजो लगनखेल डोजोमा महर्जनले प्रशिक्षण लिएका हुन् । उनले राष्ट्रिय खेलकुद परिषद्पूर्व कोषाध्यक्षतथा करातेका अन्तर्राष्ट्रिय खेलाडी मीनकृष्ण महर्जनबाट प्रशिक्षण लिएका थिए ।

mukunda 2

  ललितपुर जिल्लाको ललितपुर महानगरपालिकाको वडा नम्बर ८ माबुबा पूर्णबहदुर महर्जन र आमा किसमाया महर्जनको कोखबाट जन्मिएका महर्जनलाई विभागीय टिमले धेरै माया गरेको छ । घरमा उनी जेठा छारा हुन् । हाल उनी नेपालमा हुन लागेको १३औँ साग गेमका लागि बन्द प्रशिक्षणमा छन् ।

महर्जनले राष्ट्रिय तथा अन्तर्राष्ट्रिय प्रतियोगितामा ५० भन्दा बढी स्वर्ण पदक ल्याइसकेका छन् । महर्जनले राष्ट्रिय खेलकुद परिषद्ले आयोजना गरेको पाँचौँ, छैटौँ र सातौँ बृहत राष्ट्रिय कराते प्रतियोगितामा लगातार ३ स्वर्ण पदकल्याई ह्याट्रिक गरेका थिए ।

महर्जनले नेपालमा भएको राष्ट्रिय कराते प्रतियोगितामा २० भन्दा बढी स्वर्ण पदक हासिल गरिसकेका छन् । अन्तर्राष्ट्रिय कराते प्रतियोगितामा पनि करीव २ दर्जनभन्दा बढी स्वर्ण पदक हासिल गरिसकेका महर्जनले फिनल्यान्डमा भएको ‘भी’सितोकाई ओपन कराते च्याम्पियनशिपमा स्वर्ण पदक ल्याएका थिए ।

उनले जर्मनीमा भएको बर्लिन ओपन कराते च्याम्पियनशिपमा पनि स्वर्ण पदक ल्याएका थिए । सिङ्गापुरमा भएका सिङ्गापुर ओपन कराते च्याम्पियनशिपमा पनि उनले स्वर्ण पदक ल्याएका थिए । महर्जनले हङकङमा भएको एशियन च्याम्पियन शिपमा रजत पदक ल्याएका थिए । लण्डनमा भएको इङगल्याण्ड ओपन कराते च्याम्पियनशिपमा पनि उनले स्वर्ण पदक ल्याएका थिए ।

अष्ट्रियामा भएको प्रिमियर लिग कराते च्याम्पियनशिपमा कास्य पदक ल्याएका महर्जनले रसियामा भएको १३औं अन्तर्राट्रिय कराते प्रतियोगितामा स्वर्ण पदक ल्याएका थिए । त्यसैगरी महर्जन बंगलादेशमा भएको ‘फजिलमुर्जिप तुनिसा अन्तर्राष्ट्रिय कराते प्रतियोगिता’मा २ वटा स्वर्ण पदकल्याई उत्कृष्ट खेलाडी समेत घोषित भएका थिए ।

mukunda

  उनी जापानमा भएको सातौँ विश्वसितोरियो कराते च्याम्पियनशिपमा क्वाटर फाइनलमा पराजित भएका थिए । सन् २०१४ मा कोरियामा भएको १७औं एशियाली गेममा प्रि क्वाटर र क्वाटर फाईनलमा विजय भई कास्यपदकको लागि भएको सेमिफाइनलको प्रतिस्पर्धामा जापानका खेलाडीसँग १ अंकले पराजित हुँदा पदकबाट बञ्चित हुनु परेको थियो ।

महर्जन राष्ट्रिय तथा अन्तर्राष्ट्रिय प्रतियोगितामा उत्कृष्ट खेल प्रदर्शन गरी ५ पटक सर्वोकृष्ट खेलाडी घोषित भई सकेका छन् । महर्जनले भने, ‘मेरो प्रेरणाको स्रोत भनेकै मेरा आदरणीय गुरु मीनकृष्ण महर्जन हो ।’

महर्जनले ८ वर्ष सशस्त्र प्रहरीको टीमबाट र हाल नेपाली सेनाको टिमबाट विभिन्न प्रतियोगितामा प्रतिस्पर्धा गर्दै आइरहेका छन् । कराते खेलसम्बन्धमा महर्जनले नेपालमा हुन लागेका १३औँ साग गेमका विषयमा आउने गरेका नकारात्मक समाचारबाट आफूलाई चित्त दुख्ने गरेको बताए ।

‘समाचार पढ्दा मन चिसो भएर आउँछ’, उनले भने, ‘हामी बन्द प्रशिक्षणमा छौँ । समाचार पढ्दा १३औँ साग हुन्छ वा हुँदैन भन्नेमा अन्यौल छ । ती समाचार पढ्दा दिक्क लाग्छ ।’ समाचारहरू जे जस्ता आएपनि आफूहरूले इमान्दारिताका साथ मेडल जित्ने गरेर तयारी गरिरहेको उनले बताए ।

१३औँ साग गेम खेलाडीहरूको लागि खेलकुदको कुम्भ मेला भएको महर्जन बताउँछन् । नेपाल सरकारले ३ करोड नेपाली जनतालाई निराशपार्ने काम गर्न नहुने उनी बताउँछन् ।

‘यहि कराते भनेर अहिलेसम्म कुनै कतै जागि समेत खाइएको छैन’, उनले भने, ‘हामीले यही करातेमा २४–२५ वर्ष बिताइसकेका छौँ । अनि नेपालमै हुन लागेको साग गेम खेल्न पाइएन भने ठूलो घाउ लाग्नेछ ।’

‘त्यसैले हामी तमाम खेलाडीहरूलाई निरास पर्ने काम ओलम्पिक कमिटी र खेलकुद परिषदले गर्नु हुँदैन । ती संस्थाहरूसँग हाम्रो ठूलो आस्था जोडिएको छ’, महर्जनले भने, ‘यो मेरो मात्र होइन सबै खेलाडीहरूको सुझाव हो ।

हामी कराते खेलाडीहरू बिगतको आठौँ साफगेमको इतिहास फेरि दोहो¥याउन चाहन्छौँ ।’ उनल त्यसको लागि वर्तमान कराते महासंघको नेतृत्वको काम नरहेको बताए । पहिले कै इतिहास कायम गर्ने हो भने भिजन र मिशन भएको नयाँ नेतृत्व महासंघमा आवश्यक भै सकेको महर्जनले बताए ।

उनले भने, ‘मैले देशको लागि धेरै गेम खेले । गेम खेल्ने सिलसिलामा धेरै चोट पटक पनि लाग्यो । ५० भन्दा धेरै स्वर्ण पदक ल्याएको छु । राज्यले मलाई एउटा रोजगारी दिएन ।’ उनले सशस्त्र प्रहरीमा कन्ट्राक्टमा महिनाको ५ हजार पारिश्रमिक लिएर गेम खेले बताउँदै थुप्रै स्वर्ण पदक ल्याएको बताए ।

अहिले नेपाली सेनाबाट महिनाको पारिश्रमिक ५ हजारमा गेम खेल्दै आएको उनले बताए । त्यो पैसाले आफूलाई एक महिना खाजा खान समेत नपुग्ने गरेको बताए । ‘यसरी खेलाडीले कसरी आफ्नो जीविका पाल्न सक्छ ?’, करातेका कीर्तिमानी खेलाडी महर्जनले भने, ‘त्यसैले यो मेरो अन्तिम खेल हो । त्यसपछि म सन्यास लिन्छु । आफ्नो पहिचान गराउँन चाहन्छु ।’

Comments

Top