logo

१९ फागुन देखि जापानको नारिता नेपाल एयरलाइन्स

nepal-airline

काठमाडौं : राष्ट्रिय ध्वजाबाहक नेपाल एयरलाइन्सले आगामी फागुन १९ गतेदेखि जापानको नारितामा सिधा उडान भर्ने भएको छ। निगमको एयरबस वाइड बडी जहाजमार्फत नारितामा साताको तीन दिन सोमबार, बुधबार र शुक्रबार सिधा उडान प्रारम्भ गर्ने निगमले आज विज्ञप्तिमार्फत जनाएको छ ।
निगमको जहाज बिहान १:५ बजे त्रिभुवन अन्तरराष्ट्रिय विमानस्थलदेखि उडान गरिने र सोही दिन अपरान्ह् ६:२५ बजे काठमाडौंमा अवतरण गर्ने कार्यतालिका बनाइएको छ । हालका लागि प्रवद्र्धनात्मक भाडाडर काठमाडौंबाट नारिताका लागि एकतर्फी रु ३७ हजार र दुईतर्फी भाडा ७३ हजार निर्धारण गरिएको छ ।
यसका साथै विजनेस क्लासमा यात्रा गर्नेले प्रति व्यक्ति २५÷२५ किलोका दुई ब्यागेज र इकोनोमी क्लासमा यात्रा गर्नेले प्रतिव्यक्ति २३÷२३ किलोका दुई ब्यागेजको सुविधा पाउने छन् ।
नारिताको उडान प्रारम्भ भएपछि टोकियो र वरपरका यात्रुहरुलाई सुविधा हुनेछ भने सिधा उडानले ट्रान्जिटको झन्झट समाप्त हुनेछ । नारिता उडानका लागि यात्रुको उत्साहवद्र्धक बुकिङ भइरहेको निगमको वाणिज्य विभागले उल्लेख गरेको छ । मुख्य पर्यटकीय मौसम भएकाले पनि यात्रुको आवतजावत राम्रै हुने निगमको अपेक्षा छ । निगमा जहाजलाई निरन्तर विजनेश दिनको लागि संस्कृति पर्यटन तथा नागरिक उड्डयन मन्त्रीलाई घचघचाइरहेको अवस्थामा निगले जापानको नारिता उडानको तालिका पनि सार्वजनिक गरेको हो।

Comments

Top