दिल्ली हिंसाः दुई पक्षीय प्रदर्शनमा भएकाे झडपमा परी मृत्यु हुनेको संख्या २० पुग्याे

Capture

काठमाडाें । नागरिकता कानुनको विषयमा भएको दुई पक्षीय प्रदर्शनका क्रममा भएकाे झडपमा परी मृत्यु हुनेको संख्या २० पुगेको छ । नागरिकता संशोधन ऐनको विषयलाई लिएर भारतको राजधानी दिल्लीमा भएको प्रदर्शनका क्रममा मृत्यु हुनेको संख्या २० पुगेको र १८९ जना घाइते भएका छन् ।

दिल्ली उच्चअदालतका न्यायाधीश द्वय एस मुरलीधर र अनुन भंवानीले राति साढे बाह्र बजे मानवअधिकारवादी वकील सुरुर मंदरको रिटमा सुनुवाई गर्दै घाइतेहरूको उचित उपचारको प्रबन्ध गर्न आदेश दिएको छ ।

अदालतले अल–हिंद अस्पतालमा उपचाररत घाइतेहरूलाई जीटीबी अस्पताल वा त्यहाँ लैजान नसक्ने हो भने एलएनजेपी, मौलाना आजाद अस्पताल वा अन्य सरकारी अस्पतालमा लैजान भनिएको छ ।

दिन प्रतिदिन हिंसा बढ्दै गएपछि मुख्यमन्त्री अरविन्द केजरीवालले केन्द्रीय सरकारलाई सेना परिचालन गर्न आग्रह गरेका छन् ।

उनले ट्विट गर्दै प्रहरीको सक्दो प्रयासबाट पनि शान्ति नभएपछि सेना परिचालन गरी कर्फ्यू जारी गर्नुपर्ने बताका हुन ।

Comments

Top