पेट्रोलियम पदार्थको आपूर्ती नियमित रुपमा भइरहेको छ : उद्योग बाणिज्य तथा आपूर्ती मन्त्रालय

Udyog Mantralaya
काठमाडौं ।
उद्योग बाणिज्य तथा आपूर्ती मन्त्रालयले पेट्रोलियम पदार्थको लगायत दैनिक उपभोग्य सामाग्रीको आपूर्ती नियमित रुपमा भइरहेको जनाएको छ । मन्त्रालयका अनुसार मंगलवार सम्ममा चामल १५ मेट्रिक टन बिक्रि भएको र २५ हजार ७ सय २८ मेट्रिक टन चामल मौज्दातमा रहेको उल्लेख गरेको छ । मौज्दातमा रहेको चामलले करिव ३ महिनाको देशको माग धान्न सक्ने अवस्था रहेको पनि आपूर्ती मन्त्रालयले जनाएको छ ।

त्यसै गरी हाल चिनिको मौजदात ७ हजार ५ सय मेट्रिक टन रहेको र माग अनुसारको आपूर्ती भैरहेको छ । मन्त्रालयले २५ हजार मेट्रिक टन चिनि आयातको क्रममा रहेको र नुनको मौज्दात १ लाख ५९ हजार मेट्रिक टन रेहेको पनि जनाएको छ ।

मन्त्रालयका अनुसार नेपाल आयाल निगमसंग हाल डिजेल २ हजार ७ सय ५२ किलो लिटर आपुर्ति भएको, २ हजार ७ सय २१ किलो लिटर खपत भएको र ५ हजार ९ सय ४७ किलो लिटर मौज्दात रहेको छ ।

हाल पेट्रोल ५ हजार ३ सय ८० किलो लिटर आयात भएको, ८ हजार ६ सय ३७ किलो लिटर बिक्रि भएको तथा ३४ हजार १ सय ७४ किलो लिटर मैेज्दातमा रहेको पनि जनाइएको छ ।

निगमसंग हाल २ हजार ६ सय ८३ किलो लिटर मट्टितेल र ७ हजार १ सय ७६ किलो लिटर हवाइ इन्धन समेत मौज्दातमा रहेको छ ।

त्यसै गरी हाल खाना पकाउने एलपि ग्यासको आयत ७ सय मेट्रिक टन भएको, ३१ हजार ४ सय ४४ मेट्रिक टन बिक्रि भएको र मार्च महिनाको कोटा ५० हजार मेट्रिक टन मध्ये ३१ हजार ४ सय ४४ मेट्रिक टन आपूर्ती भै सकेको पनि उल्लेख गरेको छ ।

मन्त्रालयले दैनिक उपभोग्य खाद्यवस्तु एल।पि।ग्याँस एवं पेट्रोलियम पदार्थको माग,खपत र मौज्दात स्थितिको वारेमा जानकारी दिदै यस्ता वस्तुहरु पाइदैन की भनेर नआत्तिन र धैर्यका साथ सामान जुटाउन पनि आग्रह समेत गरेको छ ।

Comments

Top