युएईबाट कोरोना पिडित ३४६ नेपाली स्वदेश फर्किए

युएई ।
कोरोना भाइरसको महामारीका कारण युएईमा समस्यामा परेकामध्ये बिहीबार ३४६ नेपाली स्वदेश फर्किएका छन्। फ्लाई दुबईको उडान नम्बर एफ जी ९८६२७० मार्फत युएईको दुबई विमानस्थलबाट स्थानीय समय अनुसार बिहान ८:०० बजे एक सय ८९ जना र आजै बिहान हिमालय एयरलाइन्सको उडान न एच–९ ९५६७२० मार्फत पनि युएईको आबुधावीबाट एक सय ५७ जना नेपाली स्वदेश फर्केका हुन्। नेपाली दूतावासका आबुधावी र गैरआवासीय नेपाली संघ (एनआरएनए) कोसहजिकरणमा उनीहरु रोजगारदाताले दिएको टिकट र कोही आफ्नै खर्चमा नेपाल फर्केका हुन् । आज फर्कनेहरुमा धेरै संख्यामा दूतावासको प्राथमिकतामा परेका दीर्घ रोगी, जागीर गुमेका पीडितहरु छन् ।

उनीहरुको  बिदाइको लागि नेपाली दूतावासका आबुधावीका प्रतिनिधि विमानस्थल पुगेका थिए। साथै गैरआवासीय नेपाली संघ (एनआरएनए) मध्यपूर्व उपसंयोजक मनोज गोर्खाली,एनआरएनए युएईका उपाध्यक्ष पासाङ शेर्पा, कोषाध्यक्ष विकास शाही र सदस्य सुजन सापकोटा पनि विमानस्थल पुगेका थिए ।