इन्सपेक्टरको बर्दीमै नक्कली इन्सपेक्टर पक्राउ

काठमाडौँ ।
नेपाल प्रहरीको प्रहरी निरीक्षक (इन्सपेक्टर) को पोशाक लगाएर ठगी गरेको आरोपमा एकजना पक्राउ परेका छन् ।

९ महिनादेखि प्रहरी चौकी परवानीपुर, नगवालगायत क्षेत्रमा गएर आफू इन्सपेक्टर भन्दै हिड्ने बारा जितपुर सिमरा उपमहानगरपालिका–७ चौधरी टोलका २९ वर्षीय अजयकुमार राय पक्राउ परेका हुन् ।
जिल्ला प्रहरी कार्यालय पर्साकी प्रमुख एसपी गंगा पन्तका अनुसार बुधबार रायलाई नेपाल प्रहरीको इन्सपेक्टरको बर्दीमै पक्राउ गरिएको हो ।

यसअघि सरकारी छाप किर्ते अभियोगमा जेल परिसकेका यादवले ठगी गर्दै आएको प्रहरी अनुसन्धानबाट खुलेको छ । एसपी पन्तका अनुसार रायले पर्साको वीरगञ्ज महानगरपालिका–१६ स्थित देवपार्टी प्यालेसमा परीक्षा सञ्चालन गरेर विभिन्न व्यक्तिहरुबाट तीन लाख ६१ हजार रुपैयाँ ठगी गरेको खुलेको छ ।