भागरथीको हत्यारा पक्राउ, सार्वजनिक गर्ने तयारीमा प्रहरी

 

बैतडी । बैतडीकी छात्रा भागरथी भट्टको हत्यामा संलग्न एक जनालाई प्रहरीले पक्राउ गरेको छ ।

भागरथीसँगै सनातन धर्म माध्यमिक विद्यालयमै अध्ययनरत एक जना छात्रले व्यक्तिगत रिसिइबीको आधारमा भट्टको बलात्कार र हत्या गरेको प्रहरीले जनाएको छ ।

भट्टकै छिमेकी बैतडी दोगडाकेदार गाउँपालिका–७ का ११ मा अध्ययनरत एक युवकले पक्राउपछि आफूले बलात्कारपछि हत्या गरेको स्वीकारेको प्रहरीले जनाएको छ ।

ती युवकलाई आज पत्रकार सम्मेलन गरि सार्वजनिक गर्ने तयारीमा प्रहरी लागेको जनाइएको छ ।