चितवनमा दुर्घटनामा परी ७ को मृत्यु, २५ घाइते

भरतपुर । चितवनमा आइतबार भएका दुईवटा दुर्घटनामा ७ जनाको मृत्यु भएको छ ।

आइतबार बिहान भरतपुरबाट शारदा नगरतर्फ जाँदै गरेको म्याजिक लंकुमा दुर्घटना हुँदा २ जनाको मृत्यु भएको थियो भने साँझ ट्याक्टर दुर्घटनामा ५ जनाको मृत्यु भएको छ ।

लंकुमा भएको दुर्घटनामा ८ जना घाइते भएका छन् भने ट्याक्टर दुर्घटना १७ जना घाइते भएका छन् ।

आइबार साँझ वडा कार्यालय भवनको ढलान गरेर फर्कँदै गरेका मजदुर चढेको ना १ त ६२८२ नम्बरको ट्याक्टर अनियन्त्रित भइ दुर्घटना हुँदा पाँच जनाको मृत्यु भएको प्रहरीले जानकारी दिएको हो ।

जिल्ला प्रहरी कार्यालय चितवनका प्रवक्ता डीएसपी सूर्यबहादुर थापाका अनुसार चितवनको राप्ती नगरपालिका आमपानीको चिउडेखोलामा ट्याक्टर दुर्घटना भएको हो ।

ट्याक्टरमा करिब २२ जनाभन्दा बढी सवार रहेको उनले बताए । दुर्घटनामा केही घाइते भएको र उनीहरुको पुरानो मेडिकल कलेज भरतपुर र चितवन मेडिकल कलेजमा उपचार भइरहेको उनले जाकारी दिए ।