१५१३१ को परिक्षण गर्दा देशभर थप ४९६१ मा कोरोना पुष्टी, ४३५ कोरोनामुक्त

काठमाडौं । नेपालमा पछिल्लो २४ घन्टामा ४९६१ जनामा कोरोना संक्रमण पुष्टी भएको छ । स्वास्थ्य मन्त्रालयका अनुसार नेपालमा पछिल्लो २४ घन्टामा गरिएको परिक्षणमा उक्त संख्यामा कोरोना पुष्टी भएको हो ।

स्वास्थ्य मन्त्रालयका अनुसार पछिल्लो २४ घन्टामा गरिएको १२५६३ पीसीअर परिक्षणमा ४५३४ जनामा कोरोना पुष्टी भएको छ भने २५६९ एन्टीजेनमा ४२७ जनामा पोजेटिभ देखिएको छ ।

१५१३१ नमुना परिक्षणमा उक्त संख्यामा कोरोना पोजेटिभ देखिएको हो ।

मन्त्रालयका अनुसार पछिल्लो २४ घन्टामा ५४ हजार ३१२ जनाले कोरोनाविरूद्ध खोप लगाएका छन् ।

त्यस्तै गत २४ घन्टामा ४ सय ३५ जना कोरोनामुक्त भएका छन् भने ३ जनाको मृत्यु भएको छ ।

उपत्यकामा ३३४७ जना नयाँ संक्रमित थपिएका छन् ।

अहिलेको अवस्थामा नेपालमा २५ हजार ६ सय ८० सक्रिय संक्रमित रहेका छन् ।