नेपालमा थप १११ जनामा कोरोना पुष्टी

 

काठमाडौं । नेपालमा पछिल्लो २४ घण्टामा देशभर १११ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयको आइतबारको प्रेस ब्रिफिङमा मन्त्रालयकी प्रवक्ता डा‍. संगीता मिश्राले दिएको जानकारी अनुसार पीसीआरबाट ९४ र एन्टिजेन परीक्षणबाट १७ जनामा कोरोना पुष्टि भएको छ ।

यस अवधिमा ९ हजार ७१० परीक्षण भएको छ । यसमा पीसीआर परीक्षण ६ हजार ४८६ र एन्टिजेन परीक्षण ३ हजार २२४ भएको छ ।

मन्त्रालयका अनुसार २४ घण्टामा ४१५ जना कोरोनामुक्त भएका छन् । कोरोनाबाट मृत्यु हुनेको संख्या १ छ ।

२४ घण्टामा देशभरको पीसीआर परीक्षणको संक्रमणदर १.७ प्रतिशत रहेको प्रवक्ता मिश्राले जानकारी दिएकी छिन् ।