संसद भवन अगाडि बम राख्ने पशुपति क्याम्पसका इकाई अध्यक्ष पक्राउ

काठमाडौं । प्रतिनिधिसभा संसद भवन अगाडि नक्कली प्रेसरकुकर बम राखेको आरोपमा एक जना पक्राउ परेका छन् ।

महानगरीय अपराध महाशाखाको टोलीले मंगलबार राति काभ्रेको भुम्लु गाउँपालिका—२ का सुवास महतलाई पक्राउ गरिएको प्रहरीले जनाएको छ।

गत आइतबार प्रतिनिधि सभाबाट एमसिसी पारित भएपछि छ दल र दुई मोर्चाले सोमबार बन्द आह्वान गरेका थिए। सोही दिन संसद भवन अगाडि सडकमा तारले जेलिएको अवस्थामा प्रेसर कुकर फेला परेको थियो।

घटनामा संलग्न अर्का एक जनालाई प्रहरीले खोजी गरिरहेको पनि जनाइएको छ । महत नेत्रविक्रम चन्द विप्लव नेतृत्वको नेपाल कम्युनिष्ट पार्टीको विद्यार्थी संगठनअन्तर्गत पशुपति बहुमुखी क्याम्पस इकाइ अध्यक्ष रहेको खुलेको प्रहरीको भनाइ छ।