करिश्मालाई स्वागत गर्दै ओली, पूर्वमन्त्री सिंह पनि एमाले प्रवेश गर्दै

काठमाडौं । नायिका करिश्मा मानन्धर आज नेकपा एमाले प्रवेश गर्दैछिन् । उनलाई नेकपा एमालेका अध्यक्ष केपी शर्मा ओलीले दिउँसो १ बजे पार्टी केन्द्रीय कार्यालयमा आयोजित एक कार्यक्रममार्फत पार्टी प्रवेश गराउने कार्यक्रम रहेको छ ।

यसअघि उनी डा. बाबुराम भट्टराई नेतृत्त्वको तत्कालीन नयाँ शक्ति पार्टीमा केन्द्रीय सदस्य थिइन् । तर, केही समयपछि नै उनी उक्त पार्टीमा निस्क्रिय भएर बसेकी थिइन् ।

करिश्मासँगै समाजवादी जनता पार्टीका अध्यक्ष तथा पूर्वमन्त्री प्रेमबहादुर सिंहको नेतृत्वमा उनको दल एमालेमा प्रवेश गर्ने कार्यक्रम रहेको एमालेले जनाएको छ ।