अध्यक्ष ओलीद्वारा शर्ट मुभी प्रतियोगिताका विजेतालाई पुरस्कार वितरण

काठमाडौं । राष्ट्रिय युवा संघ नेपालले एनवाइएफ शर्ट मुभी प्रतियोगिता आयोजना गरेको छ ।

उक्त प्रतिस्पर्धामा प्रश्न भन्ने शर्ट मुभी उत्कृष्ट घोषित भएको छ । उत्कृष्ट ठहरिएका शर्ट मुभीलाई नेकपा एमालेका अध्यक्ष केपी शर्मा ओलीले पुरस्कार प्रदान गरेका थिए ।

उक्त अवसरमा समारोहमा नेपाली चलचित्र क्षेत्रका विशिष्ट व्यक्तित्वहरुको उपस्थिती रहेको थियो ।

प्रतिस्पर्धाका उत्कृष्ट तीन लघु चलचित्र ‘प्रश्न’ ,‘एसओपि’ र ‘खाली शिशी’ ले क्रमशः रु दुई लाख पचास हजार ,एक लाख पाचास् हजार ,एक लाख, ट्रफि र प्रमाण पत्र प्राप्त गरेका थिए ।

उक्त प्रतियोगितामा नेपाल चलचित्र बिकास बोर्ड, मुल संयोजनकर्ता क्षितिज थेबे लगाएत अहोरात्र यस्लाई सफल बनाउन कृयाशिल संघका सम्पूर्ण नेता, कार्यकर्ता साथीहरु, संचारकर्मी साथीहरु, फोटो पत्रकार संघ लगायतको संयोजनकारी भूमिका रहेको थियो ।

उक्त अवसरमा नेकपा एमालेका केन्द्रीय सदस्य एवं भक्तपुर क्षेत्र नं. २ का प्रतिनिधि सभा सदस्य एवं राष्ट्रिय युवा संघ नेपालका केन्द्रीय इन्चार्ज महेश बस्नेत, कलाकार करिश्मा मानन्धर, शिव श्रेष्ठलगायतको उपस्थिति रहेको थियो ।

साथै साइबर सर्कल बिभागको आयोजनामा रु ६ लाख बराबर पुरस्कार राशीसहितको ‘निर्वाचन र नेकपा एमाले’ शिर्शकमा टिकटक भिडियो कम्पीटिसन पनि सार्वजनिक गरिएको छ ।