प्रहरीको आन्तरिक खिचातानीको जगमा दलालहरुको रोजीरोटी बढ्दो

समाचार टिप्पणी

राधाकृष्ण देउजा,

नेपाल प्रहरीको नेतृत्व परिवर्तनको समय नजिकिदै जाँदा विद्धमान नियमावली अनुसार आइजीपी हुन योग्यता पुगेकाहरु आफ्नो आफ्नो हिसावले लागिरहेकै छन् ।

   जस्लाइ अस्वाभाविक भन्न मिल्दैन तर यही दौरान केहि नहुनु पर्ने विषयहरुको चर्चाहरु पनि भैरहेको देखिन्छ भने महत्वहीन विषयहरुले पनि महत्व पाइरहेको देखिएको छ  ।

 अनी गलत गर्नेहरुलाइ ठिक ठाउँमा ल्याउन भुमिका खेल्नु पर्ने प्रहरी संगठनको आइजीपी हुन्छु भन्ने सपना वोकेकाहरु मध्यका केहि शक्ती केन्द्रलाइ पैसाको लोभ देखाउने देखि म आइजीपी भएँ भने त अहिलेसम्म कहिले नभएको जस्तो हिसावले प्रहरीमा शक्ती केन्द्रको पकड बढाउन सारथी बन्छु भनेको पनि सुनिएको छ ।

 यस्ता खेलहरु निन्दनीय छन ।  र,  यस्ता खेलहरु कमसेकम आफुलाइ व्यवसायिक हुँ भन्नेहरुले गर्नु हुदैन। साथै,संगठनको आइजीपी प्रतिष्पर्धी मध्यमा एक जना हुने हो र हुन नसक्नेले चित्त  नबुझेपनि भएको आइजीपीलाइ सहयोग गर्नुपर्छ ।

  त्यसैले अहिले प्रतिस्पर्धाकै यस चरणमा कसैको व्यक्तीगत मानमर्दन टिप्पणी गर्ने , अनि व्यक्तीगत विषयहरुमा ठाउँ कुठाउँ टिक्का टिप्पणी गर्दै हिडने वा भएको सुन्दा खुसी हुने कुराले भोलीको उज्यालो बिहानीको संकेत गर्दैन ।

  आइजीपी छनोटको समयमा देखिने प्रतिस्पर्धा केवल प्रतिस्पर्धा नभएर दुष्मनी बराबर हुने कुराले प्रहरीका कतिपय आइजीपीको कार्यकाललाइ उपलव्धि शुन्य बनाएको छ भन्ने सत्य मात्रै हैन आइजीपीसंग सम्वन्ध सुमधुर नहुँदा कैयौं दिग्गज ठानिएका एआइजीपीहरु भुमिका विहिन रहनु परेको र अपमानित भएर बस्न परेको यथार्थको समेत स्मरण गर्नु बान्छनीय हुनेछ।

  अझै त्यसभन्दा पनि ज्यादा प्रतिस्पर्धाले जन्माएको दुश्मनीले प्रहरी संगठनको प्रभावकारितामा कस्तो नकारात्मक प्रभाव पार्ने गरेको छ ?  संगठनको आन्तरिक खिचातानीको जगमा कति दलालहरुको रोजीरोटी  चलेको छ ?  यसको पनि ख्याल गर्दै स्वस्थ प्रतिस्पर्धाको प्रतिज्ञा हुनु पर्ने अवस्था छ ।