महानगर उपमेयर सुनिताको अध्यक्षतामा काठमाडौं उपत्यका उपप्रमुख सञ्जाल गठन

काठमाडौं । काठमाडौं उपत्यका उपप्रमुख सञ्जाल गठन भएको छ । बालाजुस्थित बाइसधाराको सभाकक्षमा काठमाडौं महानगरपालिकाकी उपप्रमुख सुनिता डंगोलको अध्यक्षतामा बसेको सभाले उपप्रमुखहरुको सञ्जाल गठन गरेको हो ।

सञ्जालले सामूहिक प्रयत्नमा क्षमता विकास र कानूनी तथा संस्थागत विकासको प्रबन्धमा सहकार्य गर्नेछ । एउटै भूगोलमा प्रशासनिक विभाजनबाट गठन गरिएका पालिकाहरुको कार्यसम्पादनमा एकरुपता ल्याउन सञ्जालको महत्वपूर्ण भूमिका हुने काठमाडौं महानगरकी कार्यवाहक प्रमुख डंगोलले बताइन् ।