प्रहरीद्धारा ११ जुवाडे पक्राउ

चितवन : जिल्ला प्रहरी कार्यालय चितवनले जुवा खेलिरहेको अवस्थामा ११ जनालाई पक्राउ गरेको छ ।  गत मंगलवार बेलुका प्रहरीले भरतपुर उपमहानगरपालिका–८ गौरीगञ्जस्थित पूर्ण रानाभाटको घरमा जुवा खेलिरहेको अवस्थामा ११ जना पक्राउ गरेको जनाएको छ । प्रहरीले जुवा खालबाट  पाँच लाख ३१ हजार ८२५ बरामद गरेको जनाएको छ । त्यस्तै, भरतपुर उपमहानगरपालिका– १२ मुनालचोकबाट १६ जना व्यक्ति र उनीहरुको जुवाको खालबाट तीन लाख ३४ हजार १४५ बरामद भएको प्रहरीले जनाएको छ ।  प्रहरीले उनीहरुविरुद्ध जुवा ऐन २०२० अन्तर्गत मुद्दा चलाएको छ ।