डन राणाको जय परशुराम प्रर्दशनमा अदालतको अंकुश

काठमाडौँ ।  प्रहरीमा गुण्डा नाइकेको छबि बनाएका रोज राणाको निर्माण र निर्देशनमा बनेको ‘जय परशुराम’को प्रर्दशनमा अदालतले रोक लगाएको छ । यही साउन २८ गतेदेखी रिलिज हुने भनिएको जय परशुराम गैरकानुनी बाटोबाट फिल्मको निर्माण गरेर प्रर्दशन गर्न लागिएको भन्दै पुनरावेदन अदालत पाटनले तत्कालका लागि फिल्म प्रर्दशन नगर्न निर्माण पक्षको नाममा अन्तरिम आदेश जारी गरेको हो । ‘जय परशुराम’ माथिको प्रतिलिपि अधिकार दाबी सहित ‘ब्लाक चिल्ली आर्ट फिल्मस्’ले दायर गरेको मुद्दाको मंगलबार फैसला गर्दै अदालतले प्रर्दशनमा रोक लगाएको हो । न्यायधिस जीवनहरि अधिकारीको एकल इजलासले ‘जय प्ररशुराम’को प्रर्दशनमा रोक लगाएको हो ।

‘ब्लाक चिल्ली आर्ट फिल्मस्’ले तीन बर्षअघि चलचित्र विकास बोर्डबाट ‘परशुराम’ नामक फिल्म निर्माणको अनुमती लिएको थियो । तर, बिकास बोर्डले चलचित्र निर्माण तथा प्रचार–प्रसार सम्बन्धी नियम विपरित रोज राणाले बनाएको ‘जय प्ररशुराम’लाई अनुमती दिएको थियो । कुनै फिल्मको नाम अघि नयाँ शब्द थपेर त्यही नाममा फिल्म बनाउँन नपाइने नियम हुँदाहुँदै राणाले ‘परशुराम’ माथि जय थपेर ‘जय परशुराम’ बनाएका छन् ।

त्यस्तै निवेदकको दावीअनुसार आदेश जारी गर्नु किन नपर्ने हो सो कारणसहित १५ दिनभित्र आधार प्रमाण पेश गर्न पनि अदालतले विपक्षीलाई आदेश दिएको छ ।अदालतले तत्कालका लागि प्रर्दशन रोकेर दुबै पक्षलाई थप बहसको लागि भदौ १ गते बोलाएको छ । ‘जय प्ररशुराम’ चलचित्रमा विराजसँगै निशा अधिकारी , रविन तामाङ,धुर्ब कोइराला लगायत कलाकारहरुको मुख्य भूमिका छ । निशा अधिकारी फिल्म नचल्ने अवस्था देखेपछी अमेरिका गएकी छन्