एनपीएलः आज कर्णाली र काठमाडौं अनि लुम्बिनी र विराटनगर भिड्दै

काठमाडौं ,

आज नेपाल प्रिमियर लिग (एनपीएल) को छैटौं र सातौं खेल हुँदैछ । आजको पहिलो खेलमा काठमाडौं र कर्णालीका बिचमा प्रतिस्पर्धा हुँदैछ भने दोस्रो खेलमा लुम्बिनी लायन्स र विराटनगर किङ्स भिड्दैछन् ।

त्रिभुवन विश्वबिद्यालय, किर्तिपुरस्थित खेल मैदानमा दुवै टोली पहिलो पटक आमुने सामुने हुदैँछन् । सो खेल बिहान ९ः१५ बजेबाट सुरू हुनेछ ।

जनकपुर बोल्टससँग पराजित भएर आएको कर्णाली याक्स र चितवन राइनोजसँग पराजित भएर आएको काठमाडौं गोर्खाजबीच पहिलोपटक प्रतिस्पर्धामा उत्रन लागेका हुन् । आज हुने पहिलो खेलमा कर्णालीवाट सोमपाल कामीले नेतृत्व गर्नेछन् भने काठमाडौं गोर्खाजको नेतृत्व करण केसीले नेतृत्व गर्दैछन् । 

त्यस्तै दोस्रो खेलमा पहिलो खेल खेलिरहेको लुम्बिनी र दुवै खेलमा हार ब्यहोरेको विराटनगर किङ्स भिड्दैछन् । लुम्बिनी रोहित पौडेलको कप्तानीमा रहेको छ भने विराटनगर सन्दीप लामिछानको कप्तानीमा मैदानमा उत्रँदैछ । दोस्रो खेल दिउँसो १ बजे सुरु हुनेछ ।

एनपीएल गत शुक्रवारवाट सुरू भएको थियो । हिजोको खेलमा पोखरालाइ हराउँदै चितवन राइनोज र बिराटनगरलाई हराउँदै सुदुरपश्चिम बिजयी भएको थियो ।