जापानका कार्यबाहक राजदूतज्यु र नगर प्रमुखज्यु बीच नगरपालिकामा शिष्टाचार भेट सम्पन्न, स्थानीय उत्पादन प्रदर्शनी अबलोकन "

 

नेपालका लागि जापानका कार्यबाहक राजदूत तामुरा ताकाहिरोज्यु र नगर प्रमुख घनश्याम गिरीज्युका बीच नगरपालिकामा भेटघाट तथा अन्तरक्रिया कार्यक्रम सम्पन्न भएको छ। आज मिति २०८१/९/९ गते नगर प्रमुखज्यु, उप प्रमुखज्यु, नगर प्रवक्ताज्यु लगायतका पदाधिकारीज्युहरुले नगरपालिकाको कार्यालयमा जापानी राजदुतावासका उच्च पदस्त पदाधिकारीज्युहरु संग विभिन्न विषयमा छलफल गर्नु भएको थियो। नगर प्रमुखज्युले नगरपालिकाले विभिन्न क्षेत्रमा गर्दै आएको बिकास निर्माणका विषयमा कार्यबाहक राजदूतज्युलाई जानकारी गराउदै फोहोर मैला ब्यबस्थापन, खानेपानी, रोजगार सिर्जना, डिजीटलाइजेसन, भगिनी सम्बन्ध लगायतका विषयमा जापान सरकारबाट हुन सक्ने साथ सहयोगका विषयमा जानकारी गराउनु भयो। 

अन्तरक्रियालाई सम्बोधन गर्दै कार्यबाहक राजदूतज्युले नगर प्रमुखज्यु र नगरपालिकाका जनप्रतिनिधिज्युहरुबाट नागढुङ्गा सुरुङ्गमार्ग निर्माणका क्रममा भएको समन्वयकारी भुमिकाको लागि धन्यवाद ज्ञापन गर्दै नगरपालिकाका अन्य क्षेत्रमा पनि हुन सक्ने साथ र सहयोगको प्रतिबद्धता व्यक्त गर्नु भयो। कार्यबाहक राजदूतज्युले नगरपालिकाको स्थानीय उत्पादनको प्रदर्शनीको अवलोकन पनि गर्नु भएको थियो।