बकैया कप : जुनियरतर्फ वडा नम्बर ११ फाइनल प्रवेश

मकवानपुर ।

छैठौं संस्करणको बकैया कप फुटबल प्रतियोगिता अन्तर्गत जुनियरतर्फ वडा नम्बर ११ फाइनलमा प्रवेश गरेको छ ।  शुक्रबार बकैया–३ हात्तीसुंडेस्थित बकैया रंगशालामा भएको खेलमा भएको वडा नम्बर १२ लाई २–० गोलले हराउँदै ११ ले विजयी सुरुवात गरेको हो ।

बकैया–११ का लागि निखिल घलानले २ गोल गरे । जितसँगै ११ नम्बर जुनियरतर्फको फाइनलमा प्रवेश गरेको छ । अब ११ नम्बरले उपाधीका लागि वडा नम्बर १ र २ बीचको विजेतासँग प्रतिस्पर्धा गर्नेछ । जुनियरतर्फको दोस्रो सेमिफाइनल खेल शनिबार हुनेछ । प्रतियोगिता जुनियरतर्फ ४ टिम रहेको थियो ।

यस्तै शुक्रबार सिनियरतर्फ वडा नम्बर ५ र ९ बीच प्रतिस्पर्धा भएकोमा समय अभावका कारण शनिबार बिहान ९ बजेसम्मका स्थगित भएको छ। दुवै टिमले १–१ गोलको बराबरी खेलेको छ । 
प्रतियोगिता अन्तर्गत शनिबार सिनियरतर्फ वडा नम्बर ३ र ४ बीच प्रतिस्पर्धा हुनेछ । खेल दिउँसो २ बजे सुरु हुनेछ ।

प्रतियोगिताको फाइनल खेल माघ १ गते हुनेछ । प्रतियोगितामा सिनियरतर्फको विजेता टिमले १ लाख रुपैयाँसहित शिल्ड, मेडल तथा प्रमाणपत्र प्राप्त गर्नेछन् भने उपविजेता टिमले ५० हजार रुपैयाँ प्राप्त गर्नेछन् । यस्तै यस्तै जुनियरतर्फको विजेताले ५० हजार रुपैयाँसहित शिल्ड, मेडल तथा प्रमाणपत्र प्राप्त गर्नेछन् भने उपविजेताले २५ हजार रुपैैयाँ प्राप्त गर्नेछन् ।