चुकेनीको विद्युतले झिलिमिलि जुम्ला, लोडसेडिङ हट्यो

जुम्ला ।
विद्युतको उज्यालो अभाव खेपिरहेको जुम्लामा पहिलो पटक एक मेगावाट विद्युत उत्पादन भएपछि गाउँ झिलिमिलि भएको छ । पातारासी गाउँपालिकाको चुकेनी जलविद्युत सहकारी संस्था लिमिटेडबाट सञ्चालित योजनाको निर्माण सम्पन्न भइ संचालनमा आएपछि विद्युतको अभाव टरेको हो । जुम्लाको खलंङ्गगा बजारमा दैनिक १८ घण्टासम्म लोडसेडिङ्ग हुने गरेको थियो । नेपाल विद्युत प्राधिकरण जुम्लाको घुघुतिमा रहेको पावरहाउसका मेसिनमा पटक पटक आउने समस्या र जुगाड खोलामा पानीको वहाव घट्दै जाँदा लोडसेडिङ्ग बढ्ने गरेको थियो ।
तर अहिले चुकेनी जलविद्युत योजनाले विद्युत उत्पादन गरेपछि लोडसेडिङ्गको मार हटेको छ । जुम्लामा विद्युत प्राधिकरणले केन्द्रीय प्रसारण लाइन पुर्याए पनि भोल्टेज कम हुने समस्या हुँदा विद्युत प्रयोग माग अनुसार हुन सकेको थिएन । पातारासी गाउँपालिका–१ मा निर्मित एक मेगावाटको चुकेनी खोला जलविद्युत परियोजनाको वैकल्पिक ऊर्जा प्रवद्र्धन केन्द्र र एशियाली विकास वैकको आर्थिक सहयोग स्थानीय तथा गाउँपालिकाको स्वलगानी र कृषि विकास वैंकको ऋण लगानी तथा संयुतm राष्ट्र संघीय विकास कार्यक्रम अन्र्तगतको ग्रामिण जिविकोपार्जनका लागि नविकरणीय ऊर्जा कार्यक्रमको प्राविधिक सहयोगमा हालै निर्माण सम्पन्न भएकाले हाल जुम्ला बजार झिलिमिली भएको हो ।
यस परियोजनामा पातारासी गाउँपालिकाका सम्पुर्ण घरधुरीको शेयर रहेको चुकेनी जलबिद्युत सहकारी संस्थाका अध्यक्ष गोर बहादुर बुढाले बताए । अध्यक्ष बुढाका अनुसार परियोजना निर्माणका लागी वैकल्पिक ऊर्जा प्रवद्र्धन केन्द्रमार्फत एशियाली विकास बंैक र नेपाल सरकारको रु २८ करोड ४४ लाख ३० हजार अनुदान, रु ५ करोड नेपाल सरकारको मु.अ कर सहयोग तथा स्थानीय जनता, गाउँपालिका र प्रदेश सरकारको शेयर लागनी रु ११ करोड गरी जम्मा रु ४४ करोड ४४ लाख ३३ हजार लगानी रहेको छ । राष्ट्रिय प्रशारण प्रणालीको भरपर्न नसकिने बिद्युत आपूर्तिले हैरान जुम्लावासी गाउँपालिकाको सिरानमा रहेको यस चुकेनी खोला साना जलविद्युत परियोजनाको निर्माण धेरैको चासोमा थियो ।
परियोजनाबाट लामो प्रतिक्षापछि जुम्लाले भरपर्दो तथा गुणस्तरिय विद्युत बाल्न पाएकोमा उपभोक्ताहरु हर्षित भएको नविकरणीय उर्जाका लागि जिविकोपार्जन परियोजनाका फिल्ड संयोजक पृथ्वी शाही बताउँछन् ।
गाउँपालिका भित्र सहकारी आफैले विद्युत वितरण गरेको छ भने अन्य स्थानका लागी नेपाल विद्युत प्राधिकरणलाई विद्युत बिक्री गरी सेवा पुर्याएको शाहीले जानकारी दिए । सदरमुकाम एवम चन्दननाथ नगरपालिका वरिपरिका स्थानमा गुणस्तरीय र पयापर््त मात्रामा विद्युत उपलब्ध भएपछि साना ठुला उद्योगहरुलाई सहज भएको छ । विद्युत अभावका कारण संचालनमा आउन नसकेका उपकरणहरु पनि धमाधम प्रयोगमा आउन थालेको र अन्य व्यवसायी, विद्यालय, स्वास्थ्य चौकी, सरकारी कार्यालय तथा संघ संस्था र घरधुरीहरुले विद्युतीय हिटर, एयरकन्डिसनर, कुकर, केत्ली जस्ता उपकरणहरु प्रयोग गर्न थालेको नेपाल बिद्युत प्राधिकरण जुम्ला वितरण शाखाका प्रमुख राम आशिष शाहाले जानकारी दिए ।
साथै कर्णाली स्वास्थ्य विज्ञान प्रतिष्ठानको अक्सिजन प्लान्ट समेत सन्चालनमा आएको छ । हाल जिल्लाका प्राधिकरणको प्रणालीमा आवद्ध करिव साढे सात हजार घरधुरीले पनि सोही परियोजनाको विद्युत प्रयोग गरिरहेको विद्युत प्रधिकरण वितरण केन्द्रले जनाएको छ । परियोजनाले चन्दननाथ नगरपालिका भित्रका सम्पूर्ण व्यवसायीहरुलाई ठुलो टेवा पुगेको समेत नगर प्रमुख राजु सिंह कठाएतले वताए ।

नेपाल इको प्यानल: दिगो र किफायती निर्माण प्रविधिमा नयाँ युग

चौथो वृत्ति तथा रोजगार मेला आयोजना गर्दै बुढानीलकण्ठ नगरपालिका
_GF5ybCSSFh_2ccuhxtkdbrluki0hhlqpstiivn856lzg7lrdmb0vzssclyl4uajevgsi2kr_bwOyPo0ZVz_nqb3tjyzxbrnj7gln0o5ywe7f1f1w7gwhojevq74beg7skasmjalrtnarm9a.jpg)
आठौं चेम्बर एक्स्पो माघ १७ देखि २१ गते सम्म भृकुटीमण्डपमा
%2520(14)_I0qFgNKTpO_jywwoumjvonvtylnhmphz4bteeoszrblhbqahwmq42qo1t6wemzkylydy97y_1hL2MB7ySQ_oinqnm9dtectltrxhcyuajr6ozd9cedltsbrud4m3zcf1vyzqgifm6qwguor.jpg)
काठका भाँडा बनाउने आधुनिक प्रविधि, मनग्गे आम्दानी
_Csm9mJro2L_mgltgcqhtvwudp6vcnpvo2kvpqto0ke2vscdhiuc3ouvquvguscxkp98ap4g_9SXMnL1j1o_zhbyyzuujtj78n3lv9nb38jxl98tgjifozh1l09clchwwacd4wfrfr6ydiw2.jpg)
आईटी उद्योगको विस्तारका लागि लगानी सहजीकरण गर्ने चेम्बरको तयारी
_vpJxtArNPZ_zh7dw5phkogmaojjitwyavuaooxbnqunx7k8eojxkjhjt8slsswfbfh1nnur_R30nl5ov2z_kefuhcvisoq03tnofu3l6jawshbbqrwzoklyz7ttq8eauuehpfb1jbfu5fdh.jpeg)
समस्याग्रस्त दुईवटा सहकारी संस्थामा तालाबन्दी
%2520(9)_z2ip8OsFBE_o6fszpb47yvnksa0poribj6qtx5fu9z6fishnqly1vhusglannflg7xxnscy_DAOfFlotb6_tybvl2emkyatbvaqehpmywzwf2qnu1kfkxns1an0vjq5pljyvxhan7vnorqw.jpg)
प्रधानमन्त्रीबाट अन्तर्राष्ट्रिय ब्राण्डको कर्मक्युर होटेल उद्घाटन

प्रतिक्रिया