सुशान्त केसी २४ फागुनमा भक्तपुरको सल्लाघारीमा  प्रस्तुति दिने

काठमाडौं ।  

लोकप्रिय गायक तथा गीतकार सुशान्त केसीको कन्सर्ट मार्च ८. २०२५ (फाल्गुन २४, २०८१) मा भक्तपुरको सल्लाघारी ग्राउन्डमा हुने भएको छ । सुशान्तले करिब साढे दुई वर्षपछि नेपालमा आफ्नो प्रस्तुति दिन लागेका हुन् ।

बार्दली, सारङ्गी, साथी र आमा जस्ता चर्चित गीतका लागि प्रख्यात सुशान्तले कन्सर्टमा पुराना गितसँगै नयाँ सिर्जनाहरू पनि प्रस्तुत गर्नेछन् ।

‘काठमाडौंमा प्रस्तुति दिनु सधैं विशेष अनुभव हो । समर्थकहरुको माया मेरो प्रेरणा हो र मार्च ८ मा सबैलाई संगीतको यो यात्रामा सहभागी गराउन उत्साहित छु, सुशान्तले भने ।’
कन्सर्टका लागि टिकट खल्ती एपमार्फत खरिद गर्न सकिनेछ । टिकटको माग उच्च हुने अपेक्षा गरीएकोले चाँडै बुक गर्न समर्थकहरुलाई आयोजकले आग्रह गरेका छन्