आनन्दकुटी विद्यापीठका विद्यार्थीहरूले अवलोकन गरे चन्द्रागिरी थ्री डी म्युजियम

आनन्दकुटी विद्यापीठका शिक्षक तथा विद्यार्थीहरुले चन्द्रागिरी थ्री डी म्युजियमको अवलोकन भ्रमण गरेका छन् ।

स्वयम्भुमा रहेको यस विद्यापीठका शिक्षक तथा विद्यार्थीहरूले चन्द्रागिरी नगरपालिकामा रहेको चन्द्रागिरी थ्री डी आर्ट म्युजियमको शुक्रबार शैक्षिक भ्रमण गरेका हुन् । 

विद्यापीठका शिक्षक विवेक महर्जनको नेतृत्वमा गएको शिक्षक तथा विद्यार्थीहरूको समूहले म्युजियम भ्रमण गरेको हो । 

म्युजियम विद्यार्थीहरूका लागि निकै आकर्षक रहेको उनले बताए । साथै सबै युवाहरूले म्युजियम अवलोकन गर्नुपर्ने उनको भनाइ छ ।  म्युजियममा विद्यार्थी र शिक्षकहरूले निकै रमाइलो गरेको उनले बताए ।  ‘म्युजियम भ्रमणका क्रममा निकै आनन्द आयो । यो सधैं स्मरणयोग्य पल बन्नेछ, उनले भने  ।