महानायक हमालले भने - सर्वेन्द्र खनाल प्रेरणाका स्रोत हुन

काठमाडौं ।  शान्ति सुरक्षा कायम राख्न  महत्वपूर्ण भूमिका निर्वाह गरेको भन्दै कपुरधारा टोल सुधार समितिले प्रहरी वरिष्ठ उपरिक्षक एसएसपी सर्वेन्द्र खनाललाई आज सम्मान गरेको छ । काठमाडौंको कपुरधारा प्रहरी बिटको छैठौं बार्षिकोत्सव तथा चियापान कार्यक्रममा खनाललाई सम्मान गरिएको हो ।

 कार्यक्रममा एसएसपी खनाललाई महानायक राजेश हमालले सम्मान गरे  । एसएसपी खनाल जहाँ जान्छन त्यहा अपराध नियन्त्रणमा महत्वपूर्ण भुमिका  निभाएको र उनको प्रशंसा सुनेको बताउँदै महानायक हमालले खनाल प्रेरणाको स्रोत रहेको उल्लेख गरे ।

  एसएसपी खनालले समाजमा शान्ति सुरक्षा कायम गर्न प्रहरी संगठन सक्षम रहेको भन्दै जनतासँग मिलेर काम गर्ने बताए । जनतालाई शान्ति सुरक्षाको अनुभूति दिलाउनु प्रहरीको पहिलो कर्तव्य भएकाले आफू त्यसमा प्रतिबद्ध रहेको पनि खनालले बताए । महानगरीय प्रहरी अपराध महाशाखामा प्रमुख रहेका खनालले गुण्डागर्दी नियन्त्रण,पेट्रोल पम्पमा हुँदै आएको संथागत ठगी ,म्याच फिक्सिङको जरो उखेल्ने देखि एजुकेशन  कन्सलटेन्सीमा हुँदै अाइरहेको बिकृतिबिरुद्द अपरेशन चलाएर चर्चा कमाएका छन् ।