५१ राउण्ड गोलीसहित २ भारतीय सुटर काठमाडौंबाट पक्राउ

काठमाडौं। काठमाडौंको कमलादीस्थित हेरिटेज प्जालाबाट अटोमेटिक पेस्तोल र ५१ राउण्ड गोलीसहित २ जना भारतीय सुटर पक्राउ परेका छन्। भारत पञ्जावका जसवित सिंह र हर देवेन्द्र सिंह नाम गरेका भारतीय नागरिक हतियार र ठूलो परिमाणको गोलीसहित पक्राउ गरेको हो ।

उनीहरुको साथबाट ४ वटा म्यागजिन फेला परेको प्रहरीले जनाएको छ । कम्पनीहरुका कर्पोरेट कार्यालय रहेको प्जालामा बिबाद हुँदा एक राउण्ड गोली चलाए पनि कोही घाइते नभएको बुझिएको छ ।

हतियार र ठूलो परिमाणको गोली बोकेर उनीहरु किन आए भन्ने बारेमा अनुसन्धान भइरहेको एसएसपी रविन्द्र धानुकले बताए। उनीहरु नेपालमा कसैको हत्याको योजनासहित आएको प्रहरीको आशंका गरेको छ।उक्त हतियार लाइसेन्स प्राप्त हो वा होइन भन्ने बारेमा अनुसन्धान भइरहेको प्रहरीले जनाएको छ  ।