मोटरसाइकल चोरेर ओडारमुनी लुकाउने दुई जना पक्राउ

  काठमाडौं । प्रहरीले मोटरसाईकल चोरेर ओडारमुनी लुकाउने दुई जनालाई पक्राउ गरेको छ । प्रहरीले रुकुम (पश्चिम)मा चोरी गरेको पल्सर मोटरसाइकल सहित दुई युवालाई पक्राउ गरेको हो ।

जिल्ला प्रहरी कार्यालय रुकुम (पश्चिम) ले त्रिवेणी गाउँपालिका ६ माथिल्लो खाराका मनबहादुर घर्ती मगरको भे८प ९४१ नम्बरको मोटरसाइकल चोरेको आरोपमा मुसीकोट नगरपालिका ६ डाङडुङ्गेका २२ वर्षीय मुकेश रावल र १९ वर्षीय बसन्त रावललाई पक्राउ गरिएको जनाएको छ ।

पार्किङ गरि राखेको पल्सर मोटरसाइकल चोरी गरेर ओढारमुनी लुकाएर राखेको अवस्थामा बसन्तलाई गत १३ गते र मुकेशलाई १९ गते पक्राउ गरिएको रुकुम प्रहरीले जनाएको छ ।

मोटरसाइकल हराएको जानकारी आएपछि प्रहरीले अनुसन्धान गर्दा ओढारमुनी लुकाएको अवस्थामा मोटरसाइकल सहित उनीहरुलाई पक्राउ गरिएको हो ।